Otyrysta azamattyq týraly birqatar másele qaraldy. Sonymen qatar komıssııa qyzmetiniń negizgi baǵyttary boıynsha Qazaqstan Respýblıkasy Prezıdentiniń quqyqtyq máseleler jónindegi kómekshisi Erjan Jıenbaevtyń, Ishki ister mınıstri Erjan Sádenovtiń jáne tıisti memlekettik organdar atqarǵan jumystar týraly ózge de laýazymdy tulǵalardyń esebi tyńdaldy.
Sonymen qatar komıssııa tóraǵasy Qazaqstan azamattyǵynan shyqqysy keletin tulǵalardyń sany keıingi 4 jylda 15 esege tómendegenin aıtyp, muny oń úrdis retinde baǵalady. Naqty aıtqanda, 2019 jyly mundaı adamdardyń sany 1,7 myń, 2020 jyly – 0,9 myń bolsa, 2021 jyly – 123, al 2022 jyly 114 adam bolǵan.
Komıssııa qorytyndysy boıynsha tıisti sheshimder qabyldanyp, naqty usynymdar ázirlendi.
