«Túrki halyqtarynyń qasıetti qara shańyraǵy – Qazaqstanǵa qosh keldińizder! Eń aldymen, baýyrym Redjep Taııp Erdoǵan myrzaǵa jáne barsha túrik aǵaıyndarǵa Túrkııanyń 100 jyldyq mereıtoıy qutty bolsyn degim keledi. Anadolynyń ǵasyrlyq shejiresi bıik beleske, zor jetistikke toly. Uly tulǵalarynyń arqasynda búginde Túrkııa búkil álemge yqpaly bar qýatty memleketke aınaldy», dedi Qasym-Jomart Toqaev.
Sondaı-aq ol qadirli Ilham Geıdaroǵly Álıev myrzany jáne Ázerbaıjan halqyn el irgesin bekemdeýimen quttyqtady.
«Sizdiń elińiz aýmaqtyq tutastyǵyn qalpyna keltirip, damýdyń jańa tarıhı dáýirine qadam basty. Osy tarıhı qadam Birikken Ulttar Uıymynyń Jarǵysyna jáne Qaýipsizdik keńesiniń qararyna sáıkes júzege asty. Sonymen qatar Uıymnyń qazirgi tóraǵasy О́zbekstan Prezıdenti, qurmetti Shavkat Mıromonovıch Mırzııoevke túrki elderiniń yntymaqtastyǵyn nyǵaıtýǵa zor úles qosqany úshin erekshe alǵysymdy aıtamyn», dedi Memleket basshysy.
