Fransýz delegasııasy ál-Farabı atyndaǵy QazUÝ-dyń Ǵylymdy qajet etetin tehnologııalar men ınjınırıng klasterindegi zamanaýı tehnologııalyq jabdyqtardy kórip, ýnıversıtettiń ǵylymı-tehnologııalyq park, jaǵdaıattyq basqarý jáne «Keremet» stýdentterge qyzmet kórsetý ortalyqtarynyń qyzmetimen tanysty.
Forým aıasynda «Halyqaralyq ǵylymı kollaborasııanyń damý bolashaǵy» atty dóńgelek ústel ótti. Alqasózge Fransııanyń Almatydaǵy Bas konsýly Fabrısa Neve, Mádenıet jáne yntymaqtastyq jónindegi keńesshi Aleks Bortolan, Abaı atyndaǵy QazUPÝ Sorbonna-Qazaqstan ınstıtýtynyń jáne ál-Farabı atyndaǵy QazUÝ bazasynda qurylǵan Geoenergetıka ǵylymı ortalyǵynyń dırektory Agnes Býsse, Fransııanyń joǵary oqý oryndary men kásiporyndarynyń ókilderi, qazaqstandyq JOO ókilderi qatysty. Forým aıasynda eki tarap tájirıbe almasyp, bolashaqtaǵy yntymaqtastyq kókjıegin aıqyndady.
Alqasóz moderatory Basqarma tóraǵasy-ál-Farabı atyndaǵy QazUÝ rektory Janseıit Túımebaev: «Keshe Qazaqstan Respýblıkasynyń Prezıdenti Qasym-Jomart Kemeluly Toqaev Qazaqstanǵa resmı saparmen kelgen Fransııa Prezıdenti Emmanıýel Makronmen kezdesti. Eki el basshylary saýda-ekonomıkalyq, ınvestısııalyq jáne energetıkalyq yntymaqtastyqty nyǵaıtý joldaryn talqylady. Sondaı-aq bilim-ǵylym salasyndaǵy áriptestik pen halyqaralyq máseleler qarastyryldy. Qazaqstan men Fransııa arasyndaǵy ekonomıkalyq-strategııalyq áriptestigimizdi odan ári damytý biz úshin óte mańyzdy», - dep eki eldiń bilim men ǵylym salasyndaǵy yntymaqtastyqtyń bolashaqta nátıjeli jalǵasyn tabatyndyǵyna senim bildirdi.
Fransııanyń Qazaqstandaǵy Bilim berý salasyndaǵy yntymaqtastyǵy jónindegi attashe Ksave Le Torrıvellek (EHESS-Parıj), Sýleıman Demırel ýnıversıtetiniń ass. professory Qaırat Moldashev birlesken ǵylymı zertteýler, jobalar, qos dıplomdyq bilim berýdegi ózekti máselelerdi qozǵap, sheshilý joldaryn usyndy. San-Etın ulttyq ýnıversıtetiniń departament dırektory Terrı Djenızıan ǵylymı pikirtalastan aqıqat týatyndyǵyn utymdy jetkizdi. Jasandy ıntellekt jáne Big Data kafedrasynyń meńgerýshisi Madına Mansurova, Bıotehnologııa kafedrasynyń meńgerýshisi Aıda Qystaýbaeva, Turaqty damý boıynsha IýNESKO kafedrasynyń meńgerýshisi Tursynkúl Bazarbaeva ulttyq ýnıversıtettiń Fransııa JOO-larmen oqý úderisi, ǵylymı baǵyttardaǵy tıimdi baılanystaryn áńgimelep, Fransııa ýnıversıtetteriniń bazasynda ótkizgen ǵylymı taǵylymdalardan alǵan áserlerimen bólisti.
Tústen keıin jalǵasqan «Qazaqstanda jumys isteıtin Fransýz kompanııalarynyń ınjenerler men tehnıkterge suranystary» taqyrybyndaǵy B2B kezdesýge Fransııa bıznes-mektebiniń (KEDGE, YSchools, IMT Atlantic, INP Grenoble, Phelma) jáne fransýz kompanııalarynyń ókilderi (BGDN, CCIFK), sondaı-aq iri kompanııa basshylary (qazaqstandyq «La Tartine», «Novotel» t.b.) qatysyp, jumys berýshilerdiń túlekterge qoıatyn talaptardy atap ótti, sapaly daıarlanǵan túlekterge zárý ekenderin, keıde túlekterdi ózderi qaıta daıarlaıtyndyǵyn jetkizdi. Fransııa bıznesiniń ókilderi Fransııadaǵy mamandar daıarlaý ereksheligine, sheteldik kompanııalarda jumys isteýge qajetti quzirettilikterge, tehnologııalyq kompanııalardyń qyzmetine toqtaldy, shara qatysýshylary – jastarǵa aqyl-keńester berdi.
Ál-Farabı atyndaǵy Qazaq ulttyq ýnıversıteti Fransııanyń 21 joǵary oqý ornymen tyǵyz yntymaqtastyq ornatqan. Byltyrǵy oqý jylynda 48 stýdent pen 23 doktorant akademııalyq utqyrlyq baǵdarlamasy boıynsha Fransııada bilim alsa, bıyl bakalavr, magıstratýra, doktorantýra deńgeıindegi 30-ǵa jýyq stýdent Fransııan ýnıversıtetterinde oqýlaryn jalǵastyryp jatyr.
Qazirgi tańda ál-Farabı ýnıversıtetinde Fransııa joǵary oqý oryndarymen jasalǵan kelisim-shart aıasynda 11 stýdent oqıdy. Ýnıversıtet ǵalymdary fransııalyq áriptestermen birlesken halyqaralyq jobalar oryndap, ǵylymı-zertteý jumystaryn júrgizip otyr. Qos dıplomdyq bilim berý baǵdarlamalary júzege asyrylýda. Fransııadan shaqyrylǵan professorlar ýnıversıtette dáris oqıdy, doktoranttarǵa ǵylymı keńesshilik jasap, birlesken maqalalar jarııalap keledi.
Nazgúl ShYŃǴYSOVA,
IýNESKO-nyń jýrnalıstıka jáne kommýnıkasııa kafedrasynyń meńgerýshisi,
ál-Farabı atyndaǵy QazUÝ
