Qostanaı oblysy polısııa departamenti baspasóz qyzmetiniń málimetinshe, alaıaqtyq týraly quqyq qorǵaý organyna jergilikti turǵyn aryzdanǵan. Ol qazannyń 21-i kúni et satý týraly habarlandyrýlar jarııalanatyn WhatsApp tobyna kirgenin jetkizdi.
Top ákimshisi onyń qazirgi tańda tartylǵan et satyp alý týraly ótinishi oryndalmaıtynyn aıtqan. О́ıtkeni, et bitip qalǵan.
Keıinirek oǵan beıtanys nómirden týralǵan etti topta usynylǵannan da tómen baǵaǵa satyp alýǵa bolatyny jaıynda habarlama túsedi. Boıjetken kórsetilgen nómirge – 13 myń teńge salyp jibergen, biraq ózine tıesili ónimdi ala almaǵan.
Aqshasynan aıyrylǵan jábirlenýshi polısııaǵa habarlasýdy uıǵarady. Atalǵan derek negizinde QR Qylmystyq kodeksiniń 190-baby «Alaıaqtyq» boıynsha sotqa deıingi tergeý bastalyp, qajetti saraptama jumystary júrgizilýde.
