Agropark 10,2 paıyzǵa jańartyldy

«Aýyl-aımaqty damytý úshin shaǵyn sharýashylyqtardy qoldaý óte mańyzdy. «Aýyl amanaty» baǵdarlamasynyń elge qajet ekeni aıqyn kórindi. Onyń kelesi kezeńinde jeńildetilgen nesıe berýmen shektelip qalmaý kerek. Jeke qosalqy sharýa­shylyq ıeleri ózara birigýi qajet. osyǵan qajetti jaǵdaı jasalýǵa tıis» degen Qasym-Jomart Toqaevtyń tapsyrmasynan keıin óńirlerde jumys shıraı tústi.

Jambyl oblysynda «Aýyl­ amanaty» jobasy aıasyn­da­ ja­ńa­­dan qurylǵan aýyl sharýa­shy­­­lyǵy kooperatıvterine sý jańa tehnıkalar tabystaldy. Baızaq aýdanyndaǵy «BNK GROUP» JShS alqabynda uıym­dastyrylǵan is-sharaǵa oblys basshysynyń orynbasary Qanat­bek Mádibek qatysyp, óńir­degi 10 aýdannan kelgen 15 kooperatıv tóraǵasyna 55 dana túrli aýyl sharýashylyǵy tehnı­kasyn sal­tanatty jaǵdaıda tabys­tap, ju­mystaryna tabys tiledi.

«Salada atqarylyp jat­qan­ jumys az emes. «Aýyl ama­naty» jobasy aıasynda bıyl óńirimizge 24 mıllıard teńge qarjy qarastyrylyp, 33 aýyl sharýa­shylyǵy kooperatıvi quryldy. Kooperatıvterge aýyl­­ sharýa­shylyǵy tehnıkasyn­ alýǵa jergilikti bıýdjetten 1 mıl­lıard teńge bólinse, 2024 jyly 2,3 mıllıard teńge qarjy qarastyrylmaq.

Bul, árıne, quptarlyq qadam ekeni túsinikti. Qolǵa alynǵan jumystyń nátıjesinde Memleket basshysy Qasym-Jomart Toqaev­tyń aýyl sharýashylyǵy tehnıkalary parkin 10 paıyzǵa jańartý tapsyrmasyn oryndaýǵa mol múmkindik týyp otyr. Sharýalarǵa tabystalyp jatqan jańa traktorlar – sonyń bir kórinisi.

Alynǵan tehnıkalardyń jalpy quny 803 mıllıon teńgeni qu­rap otyr. Onyń belgili bir bóligi mem­leket tarapynan sýbsıdııalanatynyn da aıta ketken jón. Biz atqarylǵan ispen shektelmeı, turǵyndardyń tabysyn arttyrý úshin joba aıasynda óndiris oryndaryn qurýymyz qajet. Qazirgi kezde sol baǵytta jumystanyp jatyrmyz. Árıne, qolǵa alynǵan jobalardyń kóp kúttirmeı nátıje beretini sózsiz. Bul óz kezeginde 2025 jylǵa deıin aýyl halqynyń tabysy men ómir súrý deńgeıin arttyryp qana qoımaı, agrokeshendi damytýǵa oń áser etetini daýsyz.

О́ńirimizde agroqurylymdarǵa qyzmet kórsetetin servıs orta­lyǵy ashylyp otyr. Aldaǵy ýaqytta jumylǵan judyryqtaı birlese jumys istep, salanyń damýyna úles qosady degen senim zor. О́ıtkeni ózara birlese jumys istegende ǵana atqarylǵan jumys nátıjeli bolady», deıdi oblys ákiminiń orynbasary Qanatbek Mádibek.

Is-shara barysynda ár aýdannan kelgen kooperatıv tóraǵa­lary «Lovol», «Zýmılıon», «Iýto», «MTZ Belarýs» markaly sý jańa traktorlarǵa ıe boldy. Derek­ter­ge sensek, koope­ra­tıvterge­ berilgen teh­­­nı­ka­nyń jalpy quny­nyń 50 paıyzy memleket tara­pynan sýbsı­dııa­­lanady eken. Bul, árıne, olar úshin óte tıimdi.

«Jalpy alǵanda oblys bo­ıynsha agroparkti jańartýǵa aıryqsha den qoıyp otyrmyz. Josparǵa sáıkes 15 paıyzǵa jańartyp, 1 885 birlik aýyl sharýashylyǵy tehnıkasyn satyp alý kózdelgen. Búgingi tańda barlyǵy 1 283 tehnıka satyp alyndy. Agropark 10,2 paıyzǵa jańardy», deıdi Q. Mádibek.

Jambyl oblysy