Túrki áleminiń salmaǵy

Biz qazir álem elderiniń jańasha yq­paldasýynyń qarsańynda tur­myz. Sol oraıda sanǵasyrlyq ta­ǵy­lymdy tarıhy bar túrki dáýiri taqyrybyndaǵy basqosý eń aldymen adamzat úshin asa ma­ńyz­dy beıbitshilik, turaqtylyq pen qaýip­sizdik ıdeıalaryn alǵa tar­ta­dy.

Keıingi jyldary Ortalyq Azııa­ny meken etetin túrkitildes memle­ketter saıası-ekonomıkalyq, má­denı-rýhanı jaǵynan ny­ǵaıyp, kúsheıip keledi. Eger ótken ǵasyrdyń toqsanynshy jyl­dary Túrki áleminde Túrkııa mem­le­ke­tiniń úni basymyraq shyǵyp, túrki dúnıesine qatysty negizgi usy­nystar men sheshimderdi sol el qabyldap kelse, keıingi ýaqyt­ta Qazaqstan sekildi jańadan táýel­sizdik alǵan túrkitildes memle­ket­tiń túrki álemindegi salmaǵy ba­ryn­sha artty.

Aıtalyq, Qazaqstannyń bastamasymen qurylǵan Túrkitildes memleketter yntymaqtastyǵy keńesi qazirde tolyqqandy bedeldi halyqaralyq uıymǵa aınaldy. Búgingi sammıt – túbi bir Túrki jurtynyń dáýiri bastalǵanynyń naqty aıǵaǵy. Sheteldik bedeldi saıası sarapshylar da Túrki dáýiriniń jańa kezeńi bastalǵanyn jarysa jazyp, jarııalap jatyr.

Mundaı joǵary deńgeıli bas­qo­sýlar – barsha adamzatty beıbit­shilikke, yntymaqtastyqqa, ózara yqpaldastyqqa úndeýdiń birden-bir quraly. Sammıt barysynda aldaǵy ýaqytta atqarylýǵa tıis keleli ister men bastamalardy kún tártibine shyǵarǵan tarıhı ke­li­simderge, túrli sheshimge qol qoıyldy. Baýyrlas memle­ket­terdiń qaýipsizdigi, geosaıası turaqtylyǵy, ekonomıkalyq damýyna qatysty naqty sheshimder qabyldandy.

Iаlchyn TOPChÝ,

Túrkııa Prezıdentiniń
bas keńesshisi