Oblystyq saılaý komıssııasynyń dereginshe, 2 aýdanda 6 úmitkerge 72 myńnan astam saılaýshy daýys bere alady. Syrdarııa aýdanynda – 22 101, al Shıelide 50 402 saılaýshy tirkelgen. Eki aýdandaǵy 58 ýchaskede 388 komıssııa múshesi bar.
El tarıhyndaǵy erekshe kúnde daýys berý ýchaskelerine otbasymen kelgender qatary kóp boldy. Osy saıası naýqanda 18 jasqa jańa tolǵan 1011 azamat alǵash ret daýys berý mártebesine ıe bolypty.
Syrdarııa aýdanynda eń alǵash bolyp daýys bergen 102 jastaǵy maıdanger Iаhııa Tasyrov týǵan jerine qyzmet etetin azamatty tańdaý mańyzdy sát ekenin aıtady. Qazynaly qarııa óz tańdaýyn jasaǵannan keıin batasyn berip, saıası naýqanǵa sáttilik tiledi.
Saılaý kúni Shıeli aýdanyndaǵy №299 saılaý ýchaskesine talaı dodany ótkergen kókparshylardyń uıymdasyp kelip, daýys berýi erekshe oqıǵa boldy. Bilekti jigitterdiń bul bastamasy eldiń birligin tanytty. Polısııalar men ustazdar dınastııasynyń ókilderi de toptasyp kelip, tańdaý jasady.
«Búgin 109 biryńǵaı baılanys ortalyǵy úzdiksiz jumys istep tur. Jergilikti ýaqytpen saǵat 15:00-ge deıin oǵan 129 márte qońyraý túsken. Úıden daýys berýge ótinish qaldyrǵan 344 azamatqa tasymaldanatyn jáshik barady. Barlyq ýchaskedegi azamattardyń daýys berý qupııalyǵy saqtalatyn arnaıy kabınalar perdelermen jabylǵan», deıdi oblystyq saılaý komıssııasynyń mamandary.
Qyzylorda
