Foto: ashyq derekkóz
Sondaı-aq Moody’s Investors Service uzaq jáne qysqa merzimdi kontragenttik táýekel reıtıngterin Baa2/P-2 deńgeıinde, ulttyq valıýtadaǵy depozıtter boıynsha uzaq merzimdi jáne qysqa merzimdi reıtıngter Baa2/P-2 deńgeıinde, kontragentterdiń táýekelderin baǵalaý Baa2/P-2 deńgeıinde rastady. Otbasy bankiniń kredıttik qabilettiliginiń negizgi (BCA) jáne túzetilgen BCA baǵalaýy ba2 deńgeıinde saqtaldy.
Moody's agenttiginiń málimetteri banktiń jumys turaqtylyǵyn kórsetip otyr.
Eldegi barlyq ıpotekalyq portfeldegi banktiń úlesi 56% (2023 jyldyń 1 qazandaǵy jaǵdaı boıynsha).
Qazirgi ýaqytta turǵyn úı qurylys jınaq júıesine qatysýshylardyń sany 2,7 mln adamdy nemese baǵalaý kórsetkishteri boıynsha ekonomıkalyq belsendi halyqtyń 28 paıyzyna teń.
Bıyldyń ózinde 377 070 qazaqstandyq turǵyn úı qurylys jınaq júıesiniń jańa qatysýshysy atandy.
2023 jyly 52 672 bank klıenti turǵyn úı jaǵdaıyn jaqsartý úshin nesıe aldy. Otbasy bankinen berilgen zaemdardyń ortasha somasy 17,3 mln teńgege teń.
Otbasy bankiniń nesıe portfeli 2023 jyldyń 1 qarashasyndaǵy jaǵdaı boıynsha 3 147 157 mln teńgeni, al depozıttik portfeli 2 237 066 mln teńgeni qurady.
Otbasy bankiniń NPL kórsetkishteri ekinshi deńgeıli bankter arasynda eń tómengi deńgeılerdiń birine ıe. Qazirgi ýaqytta nesıe portfelindegi merzimi 90 kúnnen asatyn bereshegi bar zaemdardyń kólemi 0,08% teń, bul kórsetkish boıynsha naryqtaǵy ortasha deńgeı 3,27% quraıdy.
