Halyq óz tańdaýyn jasady

Atyraý oblysynda vahtalyq rejim­degi óndiris oryndarynda jumys isteıtin adamdar bar. Saılaý kezinde olardyń daýys berýine jan-jaqty jaǵdaı jasaldy. Sóıtip, Isataı aýdanyn­da – 480, Qyzylqoǵa aýdanynda 66 vahtalyq ádispen eńbek etetin elektorat saıası básekege óz úlesterin qosty. Sonymen qatar múmkindigi shekteýli jandardyń da jaǵdaıy eskerildi. Olarǵa arnaıy kabınalar, braıl qarpindegi bıýlletender, aýdıojazbalar, sýrdoaýdar­mashylar, ulǵaıtqyshtar, arnaıy kompıý­terler qoıyldy. Sondaı-aq qa­rııa­lar, múmkindigi shekteýli jandar­dyń óti­nishimen úı-jaıdan tys daýys jınaý júrgizildi.

О́ńirlerdiń saılaý ýchaskesinde 269 baıqaýshy daýys berý barysyn baıqap otyrdy. Olar saılaý úderisiniń ashyq, zańǵa sáıkes ótýin qadaǵalady. Isataıda – 127, Qyzylqoǵa aýdanynda 142 baı­qaýshy boldy. Jalpy alǵanda, orta eseppen árbir ýchaskege 8 baıqaýshydan qatysty.

Saılaý zań talaptaryna sáıkes ótti. Zań buzýshylyq tirkelgen joq. Aryz-shaǵym túspedi. Daýys berý nátı­jesine sáıkes Isataı aýdany ákimi bolyp Nurym Mýsın esimdi azamat saılandy. Ol Isataı aýdandyq más­l­ıhatynyń tóraǵasy qyzmetin atqar­ǵan. Al Qyzylqoǵa aýdany­nyń ákimi laýazymy halyqtyń tańdaýy Qanat Qadyr­janulyna tústi.

Jalpy, bul dodanyń mańyzy zor. Birinshiden, óńirlerdiń ortalyq­syz­dan­dyrý máselesine qatysty. Tur­ǵyndardyń ózderine tańdaý jasaýyna úlken múmkindik týdy. Ekinshiden, Prezıdenttiń reformasyna sáıkes bul jergilikti jerdegi saılaý júıesine tyń serpin berdi. Halyq ózi sengen adamdy tańdady.

Azamat AIMANAKÝMOV,

Atyraý oblystyq aýmaqtyq saılaý komıssııasynyń tóraǵasy