«Bıyl aýyl sharýashylyǵy daqyldary jınalatyn alqap 24 mln gektardy qurady, bul 2022 jylmen salystyrǵanda 652 myń gektarǵa artyq. Búgingi tańda elimizdiń barlyq óńirlerinde astyq jınaý naýqany aıaqtalyp jatyr», dedi mınıstr.
Oblys ákimdikteriniń derekteri boıynsha 16,9 mln ga astyq (98,7%) jınaldy. Ortasha ónimdiligi 9,7 s/ga bastapqy salmaqta 16,4 mln tonna astyq, onyń ishinde 11,4 mln tonna bıdaı bastyryldy. Jalpy, aýa raıynyń qolaısyzdyǵyna qaramastan, kútiletin jalpy astyq túsimi 16 mln tonnany quraıdy.
«Bul 3 mln tonna kólemindegi aýyspaly qaldyqtardy eskere otyryp, eldi nanmen jáne unmen tolyq qamtamasyz etýge jetkilikti. Sonymen qatar elimizde 4,3 mln tonna kókónis daqyldary, 3,5 mln tonna kartop jáne 1,6 mln tonna maıly daqyldar jınaldy, atap aıtqanda, 747,5 myń tonna kúnbaǵys bastyryldy», dedi A.Saparov.
Mınıstrdiń aıtýynsha, egin jınaý jumystaryn ýaqtyly júrgizý úshin aýyl sharýashylyǵy uıymdaryna lıtrine 250 teńgeden 426 myń tonna jeńildetilgen dızel otyny bólingen. Sonymen qatar aǵymdaǵy jaǵdaıdy eskere otyryp, dándi jáne maıly daqyldardy keptirý úshin qosymsha 62,5 myń tonna jeńildetilgen dızel otynyn bólý týraly sheshim qabyldandy.
