ÚIIŃDI TASPEN QORShAMA, DOSPEN QORShA

Keshe Premer-Mınıstr Kárim Másimov oblysqa jumys saparymen keldi. Úkimet basshysy bul saparynda el damýyna arnalǵan ındýstrııalyq-ınnovasııalyq baǵdarlamalar sheńberinde aımaqta júzege asyrylatyn birneshe jobamen tanyspaq. Premer-Mınıstr eń aldymen “Batys Eýropa - Batys Qytaı” halyqaralyq avtomagıstraliniń qurylysynda boldy. Mundaǵy jumys qazir eki aýysymda, ıaǵnı qarqyndy júrgizilip jatyr. Kóldeneńinen kıligip, iske kedergi keltirip turǵan eshqandaı túıindi másele joq. Avtomagıstraldiń oblystan ótetin shaqyrymdaryn tender boıynsha jeńip alǵan “Aqmola qurylys materıaldary”, “KSS EgC/Jambyljolqurylys” jáne “Kazahdorstorı” JShS-lar sııaqty kompanııalar ózderine min­dettelgen tapsyrmalardy aby­roı­men oryndap keledi. Jumys kes­tesinen aýytqýshylyq joq. Qu­ry­lys materıaldary men tehnıka jetkilikti. Adam kúshi mol. My­sa­ly, tek qana “KSS EgC/Jam­byl­jolqurylys” pen “Kazahdor­stroı” JShS-larynda tıisinshe 737 jáne 1379 adam jumys isteıdi. Mańyzdy qurylystyń kedergi­siz júrgizilýine oblys ákimi Q.Bo­zym­baev ta kóp kóńil bólip, qa­jet­ti kómek kórsetip otyr. Bıtým­ǵa degen suranysty Qyzylorda zaýy­ty oryndaıtyn boldy. Al sement О́s­kemennen alynbaq. Oǵan deıin Jam­byl óńirindegi sement zaýyttary da iske qosylmaqshy. “Batys Eýropa - Batys Qytaı” halyqaralyq avtomagıstraliniń qurylysyndaǵy osyndaı jaqsy istermen tanysqannan keıin Premer-Mınıstr qazaq-qyrǵyz shekarasyndaǵy “Aısha bıbi” ke­den beketine keldi. Qazaq eli qashannan úıin tas­pen emes, dospen qorshaǵan el retinde belgili. Bul abzal oıdyń ba­synda Elbasy Nursultan Nazar­baevtyń ómirsheń saıasaty turǵany belgili. Jambyl oblysyndaǵy keden organdary búginde Qazaq­stan-Qyrǵyz elderi aýmaǵyndaǵy respýblıkalyq jáne halyqaralyq dárejedegi 10 avtojoldy, kóp jaq­ty baılanysqa arnalǵan 4 av­tojoldy jáne eki jaqty baıla­nystaǵy 6 avtojoldy baqylaýda. Keden qyzmetiniń kedendik baqy­laýdy júrgizýge laıyqty ǵımarat­tar men shekara shebinde beketter, baqylaý-ótkizý pýnktteri ashylyp, olar mýltımedııalyq quraldar­men, zamanaýı tehnıkalarmen jabdyqtalǵany kózge kórinip tur. Shy­nynda “Aısha bıbi” keden beketi men kórshi qyrǵyz eliniń kedenin salystyra qaraǵan adamǵa kimniń kim ekeni anyq baıqalady. Burnaǵy jyly Jambyl obly­sy boıynsha kedendik baqylaý departamenti el qazynasyna 18 mıllıard teńge óndirse, aǵymdaǵy jyldyń ótken 5 aıy ishinde 3,5 mıllıard teńge óndirdi. 2010 jyly jeńildetilgen tártip boıynsha óndirilgen kedendik tólemder men salyqtar eki esege artyp, jalpy somasy 59 mıllıon 41 myń teńgeni qurady. Premer-Mınıstr K. Másimov keden beketindegi barlyq ıgilikti istermen jáne jańa tehnıkalar­men tanysty. Shekara qyzmetiniń arnaıy úıretilgen ıtteriniń arnaıy qoıylǵan sómkeler men shabadandardyń ishinen “jaryl­ǵysh zatty” taýyp alýy jınal­ǵandardy tánti etti. Al bul keden­shiler úshin úırenshikti is. Qyrǵyz elindegi ýaqytsha úkimettiń ótinishi boıynsha eki el arasynda ázirge 3 keden beketiniń ashylǵany belgili. Eger kórshi elde jaǵdaı jaqsarsa, baqylaýda ustaýǵa bolatyn basqa keden beketteri de ashylýy múmkin. Odan keıin qyrǵyz eliniń ýaqytsha úkimeti aldaǵy ýaqytta Keden odaǵyna ki­rý­ge múddeli ekendikterin jetkizipti. Ol endi aldaǵy ýaqyttyń enshisi. Premer-Mınıstrdiń jumys sapary búgin odan ári jalǵasady. Kósemáli SÁTTIBAIULY, Jambyl oblysy.