Omannan oljaly oraldy

Sáken teatrynyń janynan úsh aı buryn ǵana qurylǵan qýyrshaq trýppasy álem elderinen ótinim jibergen 200-ge tarta óner ujymynyń arasynan iriktelgen 30 teatrdyń qatarynda bolǵan.

Ártister árqaısysy sahnada bir emes, úsh qýyrshaqqa jan bitirip, úsh róldi somdap shyqty. Al spektakl­degi 11 qýyrshaqty rejısser Aıdyn Salbannyń jetekshiligimen teatr ujy­my jasaǵan.

Bul qýyrshaq trýppasy Omannan oljaly oralmas buryn Almatyda ótken «Almaty Puppet Festival» halyqaralyq festıvalinde de «Qarlyǵashtyń quı­ryǵy nege aıyr?» ertegisin sahnalap, «Úzdik ssenografııa úshin» júldesin enshilegen edi.

Qazan aıynyń basynda Jetisý tó­rinde aty ańyzǵa aınalǵan aktrısa Bıken Rımovanyń 100 jyldyǵyna arnalǵan BIKEN-l halyqaralyq teatr­ festıvalinde O.Bókeıdiń «Ataý kere» dramasyn qoıyp, «Úzdik rejıssýra» júldesin qanjyǵalaǵanyn da aıtyp ótýimiz kerek. Munyń da qoıý­shy-rejısseri – Aıdyn Salban.

Taldyqorǵannan keıin Qyzyl­jar­da belgili memleket jáne qoǵam qaı­ratkeri T.Júrgenovtiń 125 jyldyǵyna arnalǵan Qazaqstan teatr­larynyń festıvalinde de «Úzdik ssenografııa» atalymyna laıyq dep tanyldy.

Astanaǵa gastrolmen baryp, el­ordalyq kórermenge «Ultqa qyz­met», «Tekeburqaq», «Aınalaıyn», «Ataý kere» spektaklderin kórsetti.

Qaraǵandynyń óner ujymy res­pýblıkalyq deńgeıde ǵana emes, ha­lyqaralyq sahnalarda da sátti óner kórsetip, kórermenniń ystyq yqy­la­syna bólenip, synshylardyń joǵary baǵasyn alyp júr.

Qaraǵandy oblysy