Osy kezeńde oblystyq polısııa departamentiniń qyzmetkerleri 163 quqyq buzýshylyq deregin anyqtap, zańsyz aınalymnan 2 tonna 284 kg-dan astam esirtki zatyn tárkilegen.
Dalalyq aımaqtardan 22 iri alqap tabylyp, úı, baý-baqsha, saıajaı aýlalarynan qarasora ekken 40 derek anyqtalǵan. Esirtki ósirýmen aınalysqan 61 adam ustalyp, onyń 24-i qamaqqa alyndy.
Is-sharany qorytyndylaǵan polıseılerdiń esebinshe, 10 tonnaǵa jýyq sapasy joǵary marıhýananyń zańsyz aınalymǵa túsýiniń joly kesilgen. Maýsym aıynan bastap tynym kórmegen polıseıler adam aıaǵy jete bermeıtin qum qoınaýlaryn
42 márte áýeden sholyp shyqty.
Qyzylorda qalasyna kireberis joldarda qurylǵan jyljymaly mobıldi beketterde avtokólikterdi qyzmettik izdestirý ıtteriniń kómegimen tekserý barysynda esirtki tasymaldaýdyń 27 deregi anyqtaldy. Onyń ishinde Qyzylordaǵa Oral, Aqtóbe, Atyraý qalalarynan asa iri mólsherde esirtki jetkizbekshi bolǵandarǵa tosqaýyl qoıyldy.
Qyzylorda
