Foto: Ashyq derekkóz
Atalǵan jarysqa álem chempıondary Sáken Bıbosynov, Sanjar Táshkenbaı, Mahmud Sabyrhan, Nurbek Oralbaı jáne elimizdiń barlyq óńirinen 250-den astam bylǵary qolǵap sheberleri qatysady.
Jekpe-jekter olımpıadalyq júıe boıynsha ótedi. Erler arasynda 13 salmaq (46-48 keli, 51 keli, 54 keli, 57 keli, 60 keli, 63,5 keli, 67 keli, 71 keli, 75 keli, 80 keli, 86 keli, 92 keli, +92 keli) boıynsha jeńis tuǵyrynan kórinetin boksshylar anyqtalady.
Barlyq judyryqtasý jekpe-jekterin kúndizgi 12:00-den bastap, «Qazsport» telearnasy tikeleı efırde kórsetedi. Fınaldyq jekpe-jekterdiń chempıondary 19 qarashada belgili bolady.
Spartakıada jeńimpazdary aldaǵy ýaqytta ótetin iri halyqaralyq jarystarda el namysyn qorǵaıtyn bolady.
Is-shara Týrızm jáne sport mınıstrligi, Astana qalasy ákimdigi jáne Qazaqstan boks federasııasynyń qoldaýymen ótedi.
Jarystyń demeýshileri: «Samuryq-Qazyna» ulttyq ál-aýqat qory, Sport Qory.
Aıta ketsek, buǵan deıin bundaı spartakıada 2019 jyly Qyzylorda qalasynda ótken.
