KELEShEGI KEMEL KENDI ALTAI

Úkimet basshysynyń jumys saparynyń ekinshi kúni О́skemen qalasynda jalǵasty Premer-Mınıstr Kárim Másimov bastaǵan top dúısenbi kúni keshke qaraı Ulan aýdanynyń ortalyǵy Molodejnoe kentindegi “О́skemen qus fabrıkasy” AQ-qa keldi. Mundaǵy “Eýrazııa” jobasynyń maqsaty –qazirgi óndiristi qalpyna keltirý jáne jańǵyrtý jolymen óndiristi keńeıtý, jańa qýattardy salý. Jobanyń jalpy quny – 2,6 mıllıard teńge. Bul Qazaqstannyń údemeli ındýstrııalyq-ınnovasııalyq damý baǵdarlamasy jobasyna engen. Úkimet basshysy K.Másimov oblys ákimi B.Saparbaevqa Elbasy N.Nazarbaevtyń azyq-túlik baǵasyn qymbattatpaı, halyqtyń jaǵdaıyn oılaý jónindegi tapsyrmasyna nazar aýdarý qajettigin eskertti. Erteńinde  Úkimet basshysy K.Másimov bastaǵan top Halyq bankiniń jańa mekemesine kirip, ondaǵy qyzmet túrlerimen tanys­ty. Jańadan salynǵan toǵyz qa­bat­ty bank ishi aınadaı jarqyraıdy, klıenttermen qyzmet kórsetýdiń jańa úlgileri kelgenderge unady. Budan keıin K.Másimov “Kazsınk” aksıonerlik qoǵamynyń jańadan salynyp jatqan qorǵasyn balqytý jáne elektrolız sehtarynyń ju­my­symen tanysty. Elimizdegi ın­dýstrııalandyrý baǵyty Kendi Al­taıda jaqsy jolǵa qoıylǵan. Bar­lyǵy 22 joba qolǵa alynsa, onyń 12-si bıyl júzege aspaq. “Kazsınk” jaýapkershiligi shekteýli seriktestigi “jańa metallýrgııa” baǵytymen ju­mys istep jatyr. “Kazsınk” AQ vıse-prezıdenti Iý.Gýsev qorshaǵan ortany qorǵaýǵa kásiporynnyń mıllıardtaǵan teńge qarjy bólip otyrǵanyn tilge tıek etti. Qala jurtshylyǵynyń eki zaýyt­tyń iske qosylýyna baıla­nysty ekologııa búlinip kete me dep qaýiptenetini belgili. Alaıda, jańa tehnologııamen salynyp jatqan óndiristik qýattar aýaǵa zııandy qal­dyqtardy az taratatyn kórinedi. K.Másimov osy oraıda basqa ká­siporyndardyń da qala tazalyǵyna úles qosýyn talap etti. Shyǵys Qazaqstan máshıne ja­saý zaýytynda bolǵan kezde Úkimet basshysy shyǵarylyp jatqan jańa buıymdardy tamashalady. Elimiz­de­gi kóptegen kásiporyndar atalmysh kásiporynnyń buıymdaryn satyp alady. Endeshe ónim sapasyna kóńil bólý qajet, dedi Úkimet basshysy. “Danıel” sýpermarket saýda úıinde bolǵan kezde K.Másimov azyq-túlik baǵasynyń turǵyn­dardyń qaltasy kótererlikteı bolýy qajettigine nazar aýdardy. Budan keıin ortalyq Mádenıet úıinde “Júıe qurýshy kásiporyn­dar­dyń kishi jáne orta kásip­ker­likti damytýdaǵy róli” taqyry­bynda  óńirlik forým bolyp ótti. Onda sóz alǵan óńir basshysy B.Saparbaev ındýstrııalandyrý kartasy jaıly aıtyp berdi. О́tken jyly oblysta 500 mıllıard teń­gege jýyq ónerkásip ónimi shyǵa­ry­lypty. “Qazaqmys”, “ÚMZ”, “Kazsınk” kásiporyndary shaǵyn jáne orta bıznesti órkendetýge laıyqty úles qosyp keledi. “AzııaAvto”, Semeıdegi “DEÝ”, “SemAZ” zaýyttary da kólikterdiń jańa túrlerin ıgerip jatyr. Forýmda sóz alǵan “Damý” kásip­kerlikti damytý qorynyń bas­qar­ma bastyǵy B.Muqyshev, “Kaz­sınk” AQ-tyń vıse-prezıdenti Iý.Gýsev, “Sesnabank” AQ bas­shysy Dáýren Jaqsybek, “Azııa Avto” kásipornynyń prezıdenti Erjan Mandıev, taǵy basqalar atqaryp jatqan jumystary týraly baıandady. “Damý” qory orta kásipkerlikti qoldaýǵa qyrýar qarjy bólip otyr. Tipti Shyǵys Qazaqstan memlekettik ýnıversı­tetine de qarjy bólýdi kózdepti.  Al E.Mandıev otandyq ónimderdi qorǵaý jóninde óz oıyn bildirdi. Úkimet basshysy Kárim Mási­mov Shyǵys Qazaqstan oblysynda atqarylyp jatqan isterge joǵary baǵa berdi.  Qarjy daǵdarysy kezinde de sizder tamasha jumys ja­sadyńyzdar, ol úshin alǵysym­dy bildiremin. Elbasynyń tapsyr­masyn oryndaýda da sergektik ta­nytýdasyzdar. Alaıda, kemshilik­ter de bar. О́skemenge qaraǵanda Semeı qalasynda orta jáne sha­ǵyn kásipkerlik jaqsy damyǵan sııaqty. Demek, jumysty shıratý qajet. Kórshi Mońǵolııa, Reseımen qarym-qatynasty kúsheıte túsken jón. Keden odaǵyna birigýimiz nátıjesin berer degen oıdamyz. “Jol kartasy” bıyl da jalǵasa ber­mek, belgilengen jobalardy júzege asyrý qajet,  dedi Úkimet basshysy. Budan keıin birqatar iri kásiporyndar men kompanııalar basshylary oblystyq ákimdikpen kelisim-sharttar jasasty. Forým sońynda K.Másimov aqparat quraldary ókilderine suhbat berdi. Ońdasyn ELÝBAI, О́SKEMEN.