«Azııa-Tynyq muhıty aımaǵyndaǵy qaýipsizdik arhıtektýrasy: búgini men bolashaǵy» forýmynyń plenarlyq otyrysynda sóılegen sózinde bas hatshy geosaıası bóliný men álemge túsken syzat jaǵdaıynda kópjaqtylyq pen túsinistik beıbitshilik pen turaqtylyqty qamtamasyz etýdiń birden-bir yqtımal tásili ekenin atap ótti.
«AО́SShK-ge múshe-memleketteriniń basty maqsaty – BUU Jarǵysynyń qaǵıdattary men halyqaralyq quqyq erejeleri, ashyqtyq pen ózara senim negizinde Azııada qaýipsizdik pen yntymaqtastyq arhıtektýrasyn qurý. Sheshimder men sharalardy tek konsensýs arqyly qabyldaýǵa basymdyq beredi», dedi Q.Sarybaı.
Sondaı-aq AО́SShK «qarapaıymnan kúrdeli» qaǵıdaty boıynsha jumys isteıtinin atap ótti. Iаǵnı aldymen senim ornatý, sodan keıin osy negizde ózara qaýipsizdikti arttyrýǵa ákeletin tolyqqandy yntymaqtastyq qurady. «Bul – óz kezeginde turaqty damýdyń alǵysharty. Senim sharalaryna negizdelgen shynaıy kópjaqtylyqty nyǵaıtý ǵana zamannyń syn-qaterlerine laıyq jaýap berip, básekelestikten yntymaqtastyqqa ótýge jol ashady», dedi Q.Sarybaı.
Qytaı áskerı ǵylymdar qaýymdastyǵy men Qytaı halyqaralyq strategııalyq zertteýler ınstıtýty uıymdastyrǵan forýmǵa álemniń 19 elinen qorǵanys mınıstrleri, halyqaralyq uıymdardan kelgen 99 resmı delegasııa, dúnıe júzindegi ǵylymı mekemeler men saraptamalyq ortalyqtardyń zertteýshileri men sarapshylary qatysty. Forým «Ortaq qaýipsizdik, baıandy beıbitshilik» uranymen ótti. Onyń taqyryby Azııa-Tynyq muhıty aımaǵynda turaqty qaýipsizdik arhıtektýrasyn qalyptastyrýǵa arnaldy.
Sıanshan forýmy aıasynda AО́SShK bas hatshysy ShYU bas hatshysy Chjan Mın myrzamen, ASEAN bas hatshysy doktor Kao Kım Hýrnmen, QHR Úkimetiniń Eýrazııa isteri jónindegi arnaıy ókili Lı Hýeımen, QHR Ortalyq áskerı komıssııasynyń Birikken shtabynyń bastyǵy Szın Szıanfenmen, Qytaıdyń Eýropa jáne Azııadaǵy halyqaralyq baılanystar toby ortalyǵynyń prezıdenti Szıan Iýnganmen kezdesti. Kelissózder kezinde yntymaqtastyqtyń ózekti máseleleri talqylandy.
