Bizdiń eldiń shekaralyq aımaqtardaǵy ákimderi men mınıstrleri «Qaıtsek taýarlarymyzdy ótkizemiz? Qaıtkende otandyq kásiporyndardyń taýarlaryn Reseıge satqyza alamyz?» degen máselelerge basyn qatyryp otyr. Bul – jylda ótip turatyn mańyzdy forým. Pandemııa kezinde ǵana ótken joq. Bir jyly Reseıde, bir jyly Qazaqstanda uıymdastyrylatyn mańyzdy jıyn osyndaı ózekti máselelerdi sheshýge septigin tıgizedi.
Forým – jańa ınvestısııalyq kelisimsharttardy qurýǵa baǵyttalǵan mańyzdy qadamdardyń biri. Qazaqstan men Reseıdiń arasyndaǵy saýda qatynastary 27 mlrd dollardy quraıtyn bolsa, onyń biraz bóligi shekaralyq aımaqtardyń arasyndaǵy qarym-qatynasqa baılanysty. Iаǵnı 27 mlrd-tyń úshten bir bóligi shekaralyq aımaqtaǵy qarym-qatynastardyń máselesi degen sóz. Onyń ishinde ashyq jáne jabyq saýda bar. Sondyqtan bul jıynǵa nemquraıdy qaraýǵa bolmaıdy.
Sodan keıin eki eldiń arasynda sheshilmeı kele jatqan máseleler de bar. Máselen, transshekaralyq sý máselesin alaıyq. Qazaqstanǵa keletin ózen sýynyń kóbi Qytaı, О́zbekstan, Reseı arqyly keledi. Osy máselelerdi sheshý úshin de durys qarym-qatynas qajet. Otandyq taýarlardy ary qaraı ótkizý úshin jasalyp otyrǵan qıyndyqtar bar. Mundaı máselelerdi de osyndaı áńgime barysynda sheship otyrý ózekti. Qalaı degenmen de kórshi eki alpaýyt memleket – Qytaı jáne Reseımen birge ómir súre bilý, olardyń múmkindikterin paıdalana bilý, áleýetin paıdalaný – ekonomıkamyzdy damytýdyń alǵysharty.
Aıdos SARYM,
Májilis depýtaty
