Memleket basshysy Qasym-Jomart Toqaev aıtqandaı, yntymaqtastyǵymyzdyń tarıhy baı, bolashaǵy jarqyn. Munyń bári – 30 jyl boıy Reseımen dostyq, tatý kórshilik, syndarly dıalog quryp kele jatqanymyzdyń nátıjesi.
Martın Lıýter Kıng «aǵaıyn retinde birge ómir súrýdi úırenýimiz kerek, áıtpese, aqymaq sııaqty birge ólemiz», deıdi. Menińshe, ekijaqty qarym-qatynasymyzdyń máni osynda jatsa kerek. Biz baýyrlas bolyp birge ómir súrýimiz qajet. Bálkim, shalǵaıdaǵy memlekettermen jaqsy qarym-qatynas ornatý ońaı shyǵar. Biraq tatý kórshilik, syndarly, beıbit qarym-qatynas ornatý áldeqaıda qıyn.
Táýelsizdik alǵaly 30 jyl ishinde eki eldiń yntymaqtastyǵy keńeıip, zor tabystarǵa qol jetkizdi. Onyń bárin sanamalap shyǵýǵa ýaqyt jetpes. Eń bastysy, buǵan qol jetkizgenimiz osyǵan deıingi jumystyń nátıjesi. Biz, Parlament, tıimdi yntymaqtastyqty damytýǵa óz úlesimizdi qosyp kelemiz. Depýtattar palataaralyq komıssııanyń aıasynda jınalyp otyramyz. Osy palataaralyq komıssııanyń otyrystarynda, Májiliste jáne Memlekettik Dýmada, sonymen qatar Federasııa keńesinde jáne Senatta dostyq toptary bar. Onda kóptegen máseleni ashyq talqylaımyz. Ártúrli máseleni, sonyń ishinde kúıip turǵan túıtkilderdi talqylaımyz. Máselen, jaqynda Reseı tarapynan depýtat Vıktor Selıverstov, Qazaqstan tarapynan depýtat Pavel Kazansev jetekshilik etetin «Reseımen dostyq» tobynyń otyrysyn ótkizdik. Jıynda Reseıdegi qazaqtar turatyn óńirler – Astrahan, Omby qalalarynda qazaq mektebin ashýǵa ýaǵdalastyq.
Aıgúl QUSPAN,
Májilis depýtaty
