Ashanadaǵy daý: Tekserý jumystary bastaldy

Derekterge júginsek, aýdan ortaly­ǵy Sarykemer aýylyndaǵy mektep-gım­na­zııa oqýshylarynyń boıyn­daǵy álsizdik pen loqsý belgileri jetinshi qa­ra­sha kúni anyqtalǵan. Alǵashqy sha­ǵym da dál sol kúni tús aýǵanda tir­kel­gen. Jalpy sany 46 adam tún mez­giline deıin ótinish bildirip úlgergen.

Jurtty daýryqtyrǵan máselege qa­tys­­ty oblys ákimdigi resmı habarlama tarat­ty. Sondaı-aq óńir basshysy Erbol Qarashókeev Nyǵmetýlla Kıikbaev atyn­da­ǵy mektep-gımnazııadaǵy shýdan keıin aýdandyq ortalyq aýrýhanaǵa ar­naıy baryp, bilim alýshylar men ustaz­dar­dyń jaǵdaıymen tanysty.

Qazirgi kezde óńir basshysy Erbol Qara­shókeevtiń tapsyrmasy negizinde ar­naıy komıssııa qurylyp, jaǵdaıdy tolyqtaı baqylaýǵa alyp otyr. Bilim alýshylar men eresekter shynynda da ashanadaǵy astan ýlanǵan ba, álde basqa sebep bar ma? Bul másele aldaǵy ýaqytta tolyqtaı zerdelenbek.

«Baızaq aýdanynyń ortalyq aýrýhanasyna jatqyzylǵan 35 adamnyń jaǵdaıy ortasha turaqty. Naýqastarǵa bar­lyq qajetti medısınalyq kómek kórsetilip jatyr. Bul másele boıynsha Jambyl ob­ly­sy­nyń ákimi Erbol Qarashókeevtiń tapsyr­masymen arnaıy komıssııa qu­ryldy.

Sarykemer aýylyndaǵy N. Kıikbaev atyndaǵy mektep-gımnazııa oqý­shy­synyń álsizdik, qusý boıynsha sha­ǵym­danǵan alǵashqy ótinishi 7 qarasha kúni tústen keıin tirkeldi. Jambyl oblysy ákiminiń tapsyrmasyna sáıkes respýblıkalyq mamandardan, anestezıologterden, pedıatrlardan, toksıkologterden, ınfeksıonısterden turatyn komıssııa quryldy.

Saǵat 23.00-ge deıin ótinish bil­dir­gen­der­diń jalpy sany 46 adamdy qurady (2 muǵalim, 44 bala). 46 adamnyń 33-i aýrýhanaǵa jat­qyzyldy, jaǵdaılary ortasha turaqty. Aýrý­­hanaǵa jatqyzylǵandarǵa de­tok­­­sı­kasııa terapııasy júrgizildi. Antıbıo­tı­ka­lyq emdeýdi qajet et­peı­tin 11 adam me­dısınalyq keńes alǵannan keıin ambýlatorlyq emdeý jáne úıden baqylaý úshin qaıtaryldy.

Jalpy praktıka dárigerlerinen, pedıatrdan, ýchaskelik medbıkeden turatyn 16 mobıldi top 205 aýlany aralap, osy kúni oqý oshaǵynyń ashanasyna kelgen oqýshylardy tekserýden ótkizdi. Tekserý qory­tyndysynda olardyń jaǵdaıy qana­ǵat­tanarlyq, shaǵymdar men aýrý bel­gileri joq.

N.Kıikbaev atyndaǵy mektep-gımnazııany tamaqpen qamtýǵa jaýapty «Toqseıitov» jeke kásipkerliginiń ju­mysy mán-jaılar naqtylanǵanǵa deıin toq­ta­tyldy. Mek­tep oqshaýlanǵan, bak­terıologııalyq zertteý sharalary júr­gizilip jatyr», de­lingen oblys ákim­digi taratqan resmı ha­barlamada.

Aýdandyq ortalyq aýrýhanasynyń bas dárigeri Jandos Rysqulovtyń aıtýynsha, boıyn álsizdik bılegen azamattar áýelde bir-birden kelgen. Keıinnen aýrýhanaǵa qaıyrylýshylardyń qa­ta­ry kúrt kóbeıgen. Qazirgi kezde shaǵym­dan­ǵandardyń jaǵdaıy turaqty. Júrek aıný, loqsý, dene qyzýynyń kóterilýi sekildi belgiler joq. Sondaı-aq túngi úshke deıin júzdegen bala qaralypty. Olar­dyń da jaǵdaıy tu­raqty. Alańdaýǵa negiz joq.

N.Kıikbaev atyndaǵy mektep-gımna­zııa­nyń bilim alýshylary oqý úderisine burynǵydaı qatysyp jatyr. Derek­ter­ge júginsek, bilim ordasyn aspen qam­ta­masyz etý qyzmetimen aınalysqan «Toq­seıitov» ataýymen tirkelgen jeke ká­sip­ker aýdan boıynsha 13 mekemege azyq-túlik tasymaldaıtyn kórinedi.

Sońǵy derekterge sensek, astan ushyn­ǵan azamattardyń sany alpysqa deıin jetipti. Qazirgi kezde prokýratýra, SES qyzmetkerleri jáne arnaıy ko­mıssııa ókilderiniń qatysýymen oqı­ǵaǵa qatysty tergep-tekserý jumys­ta­ry bastaldy. Naqtyraq aıtsaq, «Sanı­ta­r­lyq erejelerdi nemese gıgıenalyq normatıvterdi buzý» boıynsha sotqa deıingi tekserý jumystary bastaldy.

Mektep oqýshylary men ustazdar ashanadaǵy astan ushynǵan ba? Álde basqa da bir sebepter bar ma? Qatelik kim­nen ketti? Bul suraqtarǵa aldaǵy ýaqytta tolyqqandy jaýap berilmek. Bir belgilisi, naýqastar mektep ashanasynan kúrish jep, kompot sýsynyn ishken.

Jambyl oblysy,

Baızaq aýdany