Ulttyq statıstıka bıýrosynyń málimeti boıynsha ataýly jalaqy ındeksi bir jylda 111,3%, naqty – 97,6% qurady.
Jalaqy boıynsha alǵashqy úshtikke taý-ken ónerkásibi, qarjy jáne saqtandyrý qyzmeti, aqparat jáne kommýnıkasııa salasy kirdi. Mundaı kompanııalardaǵy ortasha aılyq jalaqy 497 022 teńgege jetti, bul ortasha oblystyq deńgeıden eki ese derlik – tıisinshe 373 271 teńge jáne 347 554 teńge.
Jyljymaıtyn múlik boıynsha jalaqynyń tómen deńgeıi qalyptasty – 61 935 teńge. Bul ortasha oblystyq deńgeıden 4,2 esege tómen. О́ner, oıyn-saýyq jáne saýyqtyrý salasynyń qyzmetkerleri aıyna 178 466 teńge tabys tapty, bul oblystyq kórsetkishten 1,4 esege az.
Aýyl sharýashylyǵy qyzmetkerleriniń ortasha jalaqysy 251 561 teńgeni qurady. Bilim salasyndaǵy jalaqynyń birdeı derlik deńgeıi 243 618 teńgeni quraıdy, biraq densaýlyq saqtaý salasyna qaraǵanda tómen – 270 261 teńge.
