Kezdesý barysynda Sultan Raev Erlan Qarınge bıyl qurylǵanyna 30 jyl tolǵan Halyqaralyq túrki mádenıeti uıymnyń atqarǵan jumystary men aldaǵy josparlary jóninde aqparat berdi.
Memlekettik keńesshi osy 30 jyl ishinde TÚRKSOI túrki halyqtarynyń mádenı murasyn nasıhattaýda jáne túrki memleketteri arasyndaǵy mádenı-rýhanı qarym-qatynastardy damytýda tolaıym tabysqa jetkenine toqtaldy.
Erlan Qarınniń pikirinshe, Qazaqstannyń Túrki memleketteri uıymyna tóraǵalyǵy aıasynda belgilengen basym mindetterdi júzege asyrý kezinde TÚRKSOI zor ról atqarady. Uıymnyń H sammıti Astanada tabysty ótti.
Taraptar Prezıdent Qasym-Jomart Toqaevtyń bastamasymen kelesi jyly Qazaqstanda ótetin V Dúnıejúzilik kóshpeliler oıyny sheńberinde mádenı is-sharalardy birlesip uıymdastyrý múmkindikterin talqylady.
Kezdesý sońynda Erlan Qarın men Sultan Raev TÚRKSOI uıymy arqyly túrki birligin dáripteýge beıildi ekenderin naqtylady.
