Samarqand oblysynyń Kattaqorǵan aýdandyq soty sottalýshynyń Instagram paraqshasyn buǵattaý týraly da sheshim shyǵardy.
Is materıaldaryna sáıkes, I.D. jelide prezıdenttiń otbasylyq vıdeosy astyna Shavkat Mırzıeevke qatysty jaǵymsyz jazba qaldyrǵan. Sot-medısınalyq saraptama túsiniktemede memleket basshysyna til tıgizip, bedelin túsirýge baǵyttalǵan áreketterdiń baryn rastady.
Isti qaraý barysynda sottalýshy dostarynyń keńesinen keıin óz pikirin óshirip tastaǵanyn aıtyp, óz kinásin tolyq moıyndady. Ol jasaǵan áreketine ókinip, bul oqıǵanyń saıası jaǵdaıdy túsinbeýshilik saldarynan bolǵanyn alǵa tartyp, jazasyn jeńildetýdi suraǵan.
Sýdıa T.Almamatov I.D.-ny О́zbekstan Qylmystyq kodeksiniń 158-babynyń 3-bóligimen prezıdentti ashyq túrde qorlaý nemese jala jabý boıynsha kináli dep tanyp, 2 jyl 6 aıǵa bas bostandyǵynan aıyrdy. Sonymen qatar, sot Instagram-daǵy dilshod_oke9377 profılin buǵattaý týraly sheshim qabyldady jáne Sıfrlyq tehnologııalar mınıstrligine sheshimdi oryndaýdy mindettedi.
Eske salaıyq, 2021 jyldyń naýryz aıynda Qylmystyq kodeks telekommýnıkasııa jelilerin nemese ınternetti paıdalana otyryp, prezıdentti kópshilik aldynda qorlaý nemese jala jabý úshin jaýapkershilikti belgileıtin normamen tolyqtyrylǵan bolatyn.
