Bıyl jartyjyldyq qorytyndysy boıynsha elimizde 53,8 myń jup neke qıdy, bul byltyrǵydan 2,2% az. Qalalarda qıylǵan neke sany bir jylda 35,5 myńǵa deıin 16,7% tómendese, aýyldarda birden 47,4%, 18,4 myńǵa deıin ósti, dep jazdy ranking.kz saıty.
Alty aıda ajyrasý sany 8,2 myńdy qurady – byltyrǵydan 9% az. Qalalarda ajyrasý bir jylda 14,8%, 6 myńǵa deıin azaıyp, aýyldarda 12,6%, 2,1 myńǵa deıin ósti.
О́ńirler boıynsha eń kóp neke qııý Almatyda: 5,7 myń – byltyrǵydan 19,7% az.
Neke kóp qııatyndar úshtigine Túrkistan oblysy (5,5 myń neke, bir jylda 8,3% azaıǵan) jáne Astana (4,7 myń neke, 6,2% azaıǵan) kirdi. Eń az neke Ulytaý oblysynda tirkelgen: 663.
Tirkelgen ajyrasýlar sany boıynsha da Almaty kósh bastap tur: 1,1 myń – bir jyl burynǵydan 10,4% azaıǵan. Odan keıin Astana (734) men Qaraǵandy oblysy (723). Eń az ajyrasý Ulytaý oblysynda: 102.
Eldegi nekege turý kórsetkishi 1000 adamǵa shaqqanda 5,77-den 5,46-ǵa deıin tómendedi. Nekeniń eń joǵary kórsetkishi elordada tirkeldi: 1000 adamǵa shaqqanda 6,9. Úzdik úshtikke Mańǵystaý men Almaty oblystary da kirdi.
AHAT málimetinshe, ajyrasý týraly sot sheshimderin esepke almaǵanda, bir jyl burynǵy 0,94 kórsetkishpen salystyrǵanda 1000 adamǵa shaqqanda 0,83. О́ńirler boıynsha ajyrasýdyń eń joǵary kórsetkishi Shyǵys Qazaqstan, Qaraǵandy jáne Pavlodar oblystarynda, eń tómeni Túrkistan oblysynda.
Wisevoter málimetinshe, Qazaqstan ajyrasý sany boıynsha álemde 114 eldiń ishinde 16-orynda. 2022 jyly QR-da, portaldyń málimetinshe, ajyrasý kórsetkishi 1000 adamǵa 2,5.
TMD elderi arasynda Reseı (3-oryn, 1000 adamǵa shaqqanda 3,9), Moldova (4-oryn, 1000 adamǵa shaqqanda 3,8), Belarýs (5-oryn, 1000 adamǵa shaqqanda 3,7) jáne Ýkraına* (9 oryn, 1000 adamǵa shaqqanda 2,9) Qazaqstanǵa qaraǵanda reıtıngte joǵary.
Oqı otyryńyz: Qazaqstanda 20 jylda alǵash ret jańa týǵan náreste sany 9,5% azaıdy
Qyrǵyzstanda (1000 adamǵa shaqqanda 1,8), Ázirbaıjanda (1000 adamǵa shaqqanda 1,7), Armenııada (1000 adamǵa shaqqanda 1,1) jáne О́zbekstanda (1000 adamǵa shaqqanda 1,1) ajyrasý sırek.
Eń kóp ajyrasý Maldıv araldary, Gýam jáne Reseıde, eń azy Vetnam, Shrı-Lanka jáne Perýde.
