Qazaq, bashqurt – bir týǵan

Seleksııany, týrızmdi, ara sharýa­shylyǵyn damytý máse­leleri talqylandy.

– Bizdiń óńirler eki eldiń ózindik bal astanalary bolyp tabylady. Tozańdaný, analyq bal basyn damytý, jańa bal suryptaryn jasaý, sondaı-aq olardy óńdeý máselelerinde biz kóshbasshy bolýymyz kerek. Ol úshin barlyq múm­kindikterimiz bar, – dedi ákim Er­mek Kósherbaev. – Eger qajet bolsa, biz omartashylarymyzdyń bir­lesken qaýym­dastyǵyn qura­tyn bolamyz.

Bul turǵyda Reseıdiń Bash­qurt­standaǵy bal aralaryn genetıkalyq saraptaý boıynsha jalǵyz zerthanasy qyzyǵýshylyq týdyrady. Aıtpaqshy, 250 myń ara uıasy bar jáne jeti myń tonna taýarly bal óndiretin res­pýb­lıkada sapaly bal beretin orta­orystyq tuqym – qara orman arasyn ósirýge basymdyq berilgen.

Sonymen qatar logıstıkanyń qazirgi zamanǵy baǵyttarynyń ózektiligin eskere otyryp, aımaq basshysy Bashqurtstannyń serik­testerine Qytaımen shekaralas aýdandarǵa jaqyn ShQO aýmaǵynda bondtyq qoı­malar qurýdy usyndy. Shyǵys Qazaqstan QHR-men saýda jasaý kezinde Bashqurtstannyń bıznes-toptary úshin logıstıkalyq qyzmetterdiń barlyq túrlerin kórsetýge daıyn.

Bashqurtstan Respýblıkasy Premer-mınıstriniń orynbasary – Aýyl sharýashylyǵy mınıstri sońǵy eki jyldaǵy ekonomıkalyq qıyndyqtarǵa qaramastan, Bash­qurtstan qarqyndy damyp kele jatqanyn habarlady. Aýyl sha­rýashylyǵy ónimderin qaıta óndirý daǵdarysynyń problemasy keıingi ýaqytta jańa ótkizý naryqtaryn, atap aıtqanda Qy­taıǵa ashý arqyly sheshilýde. Bul oraıda Shyǵys Qazaqstan ob­lysy bashqurt taýarlary úshin tran­zıttik habqa aınalýy múmkin edi.

– Biz jaqyn arada týrızmdi damytý boıynsha eki myńǵa jýyq jol boıyndaǵy servıs nysanyn salýdy josparlap otyrmyz. Bash­qurtstan qymyzdyń júz túrli túrin óndiredi. Bizde kósh­peli mádenıet damyǵan, osy­nyń bári elimizge keletin týrısterge qy­zyq­ty, – dep atap ótti Bash­qurt­stan delegasııasynyń basshysy.

Taraptar ShQO-dan Ýfaǵa Ha­lyqaralyq bıznes aptalyǵyna, sonyń ishinde týrızm salasynda tájirıbe almasý úshin mamandar jiberýge kelisti.

Sondaı-aq Ermek Kósherbaev bashqurt­standyq áriptesterin qarasha aıynyń sońynda ótetin búrkitshi festıvaline qatysýǵa sha­qyrdy.

– Biz básekelespeýimiz kerek, kerisinshe, kooperasııalanýymyz kerek. Shyǵys Qazaq­stan ın­­ves­­torlar úshin barlyq qa­jetti jaǵ­daıdy jasaýǵa daıyn. Biz­diń mindetimiz – bız­neske múm­kin­dikterdi kórsetý. Budan ári kásip­kerler ózderi áreket ete bas­taı­dy, – dep qorytyndylady Shyǵys Qa­zaq­stan oblysynyń ákimi.