Innovasııalyq emdeý ádisteri

Memorandým aıasynda taraptar elimizdegi onkologııalyq, gematologııalyq, psıhıkalyq, AITV, aýtoımmýndyq aýrýlar sııaqty áleýmettik mańyzy bar aýrýlardy emdeýdi jetildirý bo­ıynsha birlesip jumys isteý­ge nıetti. Bul baǵyttaǵy basym­dyq medısınalyq qyzmet kór­setý sapasyn arttyrýǵa jáne pa­sıentterdi sapaly, tıimdi dári-dármektermen qamtamasyz etýge baǵyttalady. Osyǵan qosa taraptar áleýmettik mańyzy bar aýrýlardyń zamanaýı terapııasy máselelerinde densaýlyq saqtaý mamandarynyń bilim deńgeıin arttyrý úshin ǵylymı bilim berý baǵdarlamalaryn ázirleýge jáne pasıentterdiń ınnovasııalyq te­rapııaǵa qoljetimdigin jaq­sartýǵa nazar aýdarady.
«Iаnssen» kompanııasy na­ryqta 10 jyldan beri medısına qaýymdastyǵyn ımmýndyq-medısınalyq aýrýlar, onkologııa, gematologııa, orfandyq aýrý­lar, psıhıatrııalyq jáne juq­paly aýrýlar (AITV) sııaqty áleý­met­tik mańyzdy jáne sozyl­ma­ly aýrýlardy emdeý úshin qa­jetti ınnovasııalyq terapııamen qamtamasyz etedi. Kompanııa elde jumys isteı bastaǵan tustan berige deıin onyń pereparattarymen 250 myńnan asa naýqas emdelgen. Qazir memlekettik erikti medısınalyq kómek aıasynda jáne mindetti medısınalyq saqtandyrý júıesinde 30 myńǵa jýyq pasıent emdelip jatyr. Sonymen qatar áleýmettik ma­ńyzy bar jáne orfandyq aýrýlary bar pasıentter úshin 15 baǵyt boıynsha kompanııa pre­parattarynyń 25 túri qoljetimdi. Buǵan qosa kompanııa ataýly kó­mektiń 40-qa jýyq jobasyn iske asyrǵan. Sáıkesinshe, eldiń 15 óńirinde 125-ten asa pasıent emdelgen.
«Johnson & Johnson» bólim­shesi, Iаnssenniń TMD elderi bo­ıynsha dırektory Ádilet Nazarbaevtyń aıtýynsha, Iаnssen buryn emdelmeıtin aýrýlardy emdeý tásilderin túbegeıli ózgertetin dárilik preparattardy zertteý men ázirleýge ınvestısııa tartyp, basymdyq berip otyr. Máselen, byltyr kompanııa osy maqsattarǵa 14,6 mlrd dollardan asa qarajat jumsaǵan. Osy terapevtik ınnovasııalardyń kóp­shiligi eldegi pasıentter úshin de qoljetimdi.
– Medısınada áleýmettik ma­ńyzy bar aýrýlardy emdeýge arnalǵan ınnovasııalyq quraldar men terapııanyń qoljetimdi bolýy mańyzdy. Bul – pasıentterdiń ómirin saqtap, olardyń ómir sú­rý sapasyn aıtarlyqtaı jaq­sartýǵa septesetini belgili. So­nymen qatar densaýlyq saqtaý salasynyń ekonomıkalyq damýy­na áser etetin ınnovasııalyq emdeý ádisteri ekenin de esten shy­ǵarmaý kerek. Bizdiń túpki maqsatymyz – pasıentterdiń ómir súrý sapasyn jaqsartý úshin memlekettik organdarmen, medısına qaýymdastyǵymen birlesip jumys isteý, kúsh biriktirý, – dep túsindirdi Á.Nazarbaev.