Baıqaý • 14 Qarasha, 2023

Týǵan jerdiń jaýhary

280 ret

kórsetildi

1 mın

oqý úshin

Qostanaıda jas sýretshiler men qolóner sheberleri arasynda ótken «Jas tolqyn» respýblıkalyq baıqaýy márege jetti. Baıqaýǵa qatysqan avtorlardyń tańdaýly týyndylary oblystyq galereıa zalynda ashylǵan «Týǵan jerdiń jaýhary» kórmesine qoıyldy. Jeńimpazdardy marapattaý rásimi de osynda ótti.

Nurqanat QULABAEV

Is-sharany uıymdastyrýshylardyń aıtýynsha, Tobyl tórinde osymen besinshi ret ótip otyrǵan baıqaýǵa bıyl 74 adam qatysypty. Jyl ótken saıyn baıqaýdyń geografııalyq aýqymy da keńeıe túsken. Máselen, bıylǵy qatysýshylardyń ishinde Qostanaı, Astana, Almaty, Aqtóbe, Kókshetaý, Petropavl, Pavlodar, Oral, Atyraý qalalarynan kelgen qylqalam sheberleri bar.

onro

«Baıqaý jumystary tórt atalym boıynsha baǵalandy. Olar – keskindeme, grafıka, músin, sándik-qoldanbaly óner. Ár atalym boıynsha júldeli oryndar anyqtalyp, aqshalaı syılyqtar berildi. Qazylar alqasynyń quramynda sýretshi-músinshi Baıan Batalova, keskindemeshi Sergeı Lýgovoı, osy óńirge tanymal sýretshi Vadım Bykov syndy kásibı mamandar boldy», deıdi beıneleý óneri bóliminiń meńgerýshisi Saıa Qalenova.

sss

Qazylar alqasynyń uıǵarymymen «Keskindeme» atalymy boıynsha Lısakov qalasynan kelgen Mereı Tórtqara, «Grafıka» atalymy boıynsha kókshetaýlyq jas sýretshi Dámir Maǵzumov, «Sándik-qoldanbaly óner» atalymy boıynsha Qostanaı qalasynda turatyn Araılym Qaıyrbek jeńimpaz atandy. Al baıqaýdyń bas júldesin astanalyq Reıhan Aıtýarova jeńip aldy.

Qostanaı oblysy