Jas dilmarlar bas qosqan oı básekesi joǵary deńgeıde ótti. Halqymyzdyń ǵasyrlar boıy qalyptasyp, búginge jetken baǵa jetpes qasıetti qazynasyn qadirlegen zerek jastar qazylar alqasyn tánti etti. Qatysýshylarǵa sheshen sóıleý, kórkemdik, júıelilik, naqtylyq, oı ushqyrlyǵy, til tazalyǵy, daýys máneri, sahna mádenıetin saqtaý basty talap retinde qoıyldy.
Qazylar alqasynyń sheshimimen bas júlde S.Demırel ýnıversıtetiniń 1-kýrs stýdenti (500 myń) Shyńǵys Erbolulyna buıyrdy. О́.Jánibekov atyndaǵy Ońtústik Qazaqstan pedagogıkalyq ýnıversıtetiniń 1-kýrs stýdenti Dınara Altynbekova júldeli 1-oryn ıegeri (300 myń) atandy. Qos birdeı 2-oryndy (150 myń) Qazaq-Brıtan tehnıkalyq ýnıversıtetiniń shákirti Talǵat Orynqoja men M.Qozybaev atyndaǵy Soltústik Qazaqstan ýnıversıtetiniń stýdenti Nuraı Qalıhanova oljalady. О́z ónerimen kópshilikti tánti etken Q.Jubanov atyndaǵy Aqtóbe óńirlik ýnıversıtetiniń stýdenti Aıkórkem Baıymbetova, M.Ospanov atyndaǵy Batys Qazaqstan medısına ýnıversıtetiniń 4-kýrs stýdenti Bekjan Nurmuhanov, Abaı atyndaǵy QazUPÝ-dyń 1-kýrs stýdenti Dana Tasmuratovaǵa júldeli 3-oryn (70 myń) berildi. Sondaı-aq 7 qatysýshyǵa 20 myń teńge kóleminde arnaıy júlde tabystaldy. Baıqaýǵa qatarynan ekinshi márte demeýshilik jasaǵan «Atamura» korporasııasynyń prezıdenti, qoǵam qaıratkeri Raqymǵalı Abraruly.
«Sheshendik saıysty ótkizýdiń basty maqsaty – jańa býyn, jas urpaqty til tazalyǵyn saqtaýǵa, memlekettik tildi meılinshe jetik bilýge baýlý. Sheshendik óner arqyly bilimgerge sóz óneriniń ereksheligi men júıeli sóz saptaý sharttaryn meńgertý, júıeli sóıleý daǵdysy men sóıleý sheberligin shyńdaý kózdelip otyr. О́skeleń urpaq sóz qundylyǵyn baǵalap, tarıhı-mádenı jáne ulttyq bolmysyn tanysa, sol arqyly ádebı til normasyna sáıkes memlekettik tildi qoldanýdyń jańa deńgeıi qalyptassa degen tilegimiz bar. Baıqaýǵa tórin usynyp uıymdastyrǵan Abaı atyndaǵy QazUPÝ basshylyǵyna, «Ulttyq tárbıe» ortalyǵyna myń alǵys», deıdi joba avtory, jýrnalıst Jarqyn Sálenuly.
ALMATY
