Al keshe evakýasııanyń birinshi kezeńi júzege asyrylyp, nátıjesinde «Rafah» baqylaý-ótkizý pýnkti arqyly Gaza sektorynan Mysyr aýmaǵyna 92 Qazaqstan azamaty men olardyń otbasy músheleri ótti.
Qazaqstan dıplomattary otandastarymyzǵa barlyq qajetti konsýldyq-quqyqtyq jáne psıhologııalyq kómek kórsetti. Shekaradaǵy rásimderden keıin azamattarymyz kolonna quramynda jolǵa shyqty, olar jaqyn arada Kaır qalasyna jetedi.
Aıta ketetin jaıt, Qazaqstan azamattaryn Gaza sektorynan evakýasııalaý kezeń-kezeńmen júrgizilip jatyr. Osy oraıda Qazaqstan ókilderi Izraıl, Mysyr, Palestına ulttyq ákimshiliginiń quzyretti organdarymen jáne basqa da halyqaralyq uıymdarmen qalǵan otandastarymyzdy anklavtan evakýasııalaý boıynsha jumysty jalǵastyrady.
Bizdiń barlyq azamatymyz Gaza sektorynan Kaırge aman-esen jetkizilgennen keıin Qazaqstan Úkimeti olardy elge jetkizý úshin evakýasııalyq bort joldaıdy.
«Shetelde Qazaqstan azamattarynyń quqyqtary men múddelerin qorǵaý – Syrtqy ister mınıstrligi men elshilikteriniń negizgi mindetteriniń biri. Aldyn alý sharalaryn qabyldaý úshin biz Taıaý Shyǵys óńirindegi jaǵdaıdy baqylap otyrmyz. О́kinishke qaraı, shıelenis kúsheıip keledi», dedi A.Smadııarov.
Sondaı-aq sala ókili Palestınaǵa gýmanıtarlyq kómek kórsetý máselesi týraly áńgimelep berdi. О́zderińizge málim, 7 qazanda bastalǵan qarýly qaqtyǵys Taıaý Shyǵys onsyz da kúrdeli jaǵdaıdy ýshyqtyryp, Gaza sektorynda gýmanıtarlyq daǵdarys týdyrdy.
«Sońǵy málimetter boıynsha qaqtyǵys saldarynan Gaza sektorynda 10 myńǵa jýyq adam qaza taýyp, 20 myńnan astam adam jaraqat alǵan. Qurbandardyń úshten ekisi – áıelder men balalar. Palestınalyq bosqyndarǵa kómektesý jáne jumystardy uıymdastyratyn BUU Taıaý Shyǵys agenttiginiń aqparatyna sáıkes Gaza sektoryndaǵy halyqtyń jaǵdaıy óte kúrdeli jáne 2 mıllıonnan astam adam azyq-túlik kómegine muqtaj.
Batys, Azııa, Afrıka jáne Taıaý Shyǵys elderi, atap aıtqanda Parsy shyǵanaǵy arab memleketteriniń yntymaqtastyq keńesi memleketteri, AQSh, Eýropalyq Odaq, Kanada, Ulybrıtanııa, Japonııa, Reseı, Qytaı, Túrkııa jáne basqalary Gaza sektorynda jáne Iordan ózeniniń batys jaǵalaýynda zardap shekken Palestına halqyna qarjylyq jáne materıaldyq gýmanıtarlyq kómek kórsetý týraly sheshim qabyldady», dedi A.Smadııarov.
Gaza sektoryndaǵy apatty gýmanıtarlyq jaǵdaıdy eskere otyryp, Qazaqstan da kómek qolyn sozdy. Palestına halqyna 1 mln dollar kóleminde gýmanıtarlyq kómek kórsetýge sheshim qabyldandy. Esterińizde bolsa, bul sheshimdi Túrki memleketteri uıymynyń H sammıti aıasynda Qazaqstan Prezıdenti Qasym-Jomart Toqaev aıtty.
