«Astana TV» arnasynyń jazýynsha, «9-20-25» baǵdarlamasy áli josparlanyp jatyr.
«Biz banktik oblıgasııalardy shyǵarýdy josparlap otyrmyz. Arnaıy jas otbasylarǵa arnalǵan baǵdarlama jasaý qyzyq bolar edi dep oılaımyz. «Baqytty otbasy»memlekettik baǵdarlamasy bar. Oǵan kópbalaly otbasylar, múgedektigi barlardy tárbıelep otyrǵan otbasylar, 1-2 toptaǵy múgedekter jáne jetim balalar qatysady. Keıingi ýaqytta jas otbasylar bir balaly ekenin, bárin basynan bastap jatqanyn, biraq baspanasy joq ekenin, memlekettik qyzmetker emes ekenin, osy sanatqa tura almaıtynyn jıi aıtyp jatady», dep túsindirdi Lázzat Ibragımova.
Bul rette ol aqsha naryqtan tartylatyndyqtan, ondaǵy mólsherleme joǵary bolýy múmkin ekenin atap ótti.
«Biz ony josparlap jatyrmyz. Barlyq sharttary, múmkindikteri men tetikteri 2024 jyly naqty belgili bolady. Bul baǵdarlama áli bastalǵan joq, lımıti de joq. Bul baǵdarlama bizdiń josparymyzda tur. Eseptep jatyrmyz», dep túıindedi «Otbasy bank» basshysy.
Sondaı-aq búgin «Otbasy banki» 20 mıllıonynshy bolyp dúnıege kelgen elimizdiń 5 turǵynyna 2 mıllıon teńgeden beretinin jazǵan edik.
