Býrabaı baýraıyndaǵy shildehana

Tabıǵaty tamyljyǵan ólke qýa­nysh­qa kilkip tur. О́mirge jıyr­ma mıllıonyn­shy sábı keldi. Náresteniń anasy Dınara – muǵalim, al ákesi Aıdar Ise­nov energetıka salasynda eń­bek etedi. Tútini túzý ushqan shańy­raq. Dári­ger­lerdiń aıtýlaryna qaraǵanda, ómir­ge kelgen sábıdiń de, qushaǵy gúlge tol­ǵan jas ananyń da densaýlyǵy jaqsy.

Oblys ákimi Marat Ahmetja­nov el Prezıdentiniń atynan kish­kentaıly bolǵan otbasyn quttyqtaı kelipti.

«Biz búgin tarıhı sáttiń kýási bolyp otyrmyz. Mereıli sábıdiń bizdiń oblysta, onyń ishinde jer jánnaty Býrabaıda ómirge kelýi – erekshe syı. Memleket densaýlyq saqtaý, bilim salalaryna kóp kóńil bólip otyr. Bizdiń jastarymyz zaman talabyna saı jaqsy bilim alyp, ósip-jetilýi kerek», dedi oblys ákimi.

Aq túıeniń qarny jarylǵan qýa­nyshqa ortaqtasyp, áriptes­teri, et jaqyn týystary, kórshi-qolań shashý shashyp, bóbektiń baýy berik bolsyn degen tilek­terin aıtyp jatyr.

«Bizdiń otbasy úshin bir ja­ǵy­nan kútpegen qýanyshty kún boldy, – deıdi otaǵasy Aıdar Ise­nov. – Bul ekinshi balamyz. Baýyr eti balamyzdyń baqytty bo­lyp óskenin qalaımyz. О́mirge kelgen ár balanyń baqytty bolý­ǵa haqy bar».

Qazirgi ýaqytta jas ana men sábı «Avısenna-Býrabaı» seriktestiginiń ana men bala bólimshesinde. Sóz arasynda jyl basynan beri óńirde 9 604 náresteniń ómirge kelgendigin aıta ketelik.

Jas otbasynyń osy bir ba­qyt­ty sátine kýáger bolǵan tilek­tes qaýym jaryq dúnıe esigin jańa ǵana ashqan nárestege uzaq ǵumyr tilep tarasty. Biz de óz ta­ra­­pymyzdan ómiriń uzaq, baqy­tyń ústem bolsyn degen tilegi­miz­di aıttyq. Júz jasa, elimiz­diń jıyrma mıllıonynshy náres­tesi!

Aqmola oblysy,

Býrabaı aýdany