Arǵydan amanatqa alǵan atakásibiniń ózi aýyl sharýashylyǵynan alystaı qoımaǵan elimiz áýel bastan agrarly memleket edi. Endigine en salynbaǵan ıen dalanyń tósine dán shashyp, tóskeıin toltyra mal órgizgen. Sodan da shyǵar, ilkide ótkenderdiń isher astan tarshylyq kórgen tusy joq. Osynyń ózi-aq ár qazaqqa oı salsa kerek...
Anyǵynda, ulysyn yrysqa keneltken uly ister osy daladan bastaý alady. Jaryqtyq Jer-ana eshkimdi jatyrqamaıdy, qoly qımyldaǵandy ashqursaq qaldyrmaıdy. Tek tabıǵattyń tilin, istiń kózin taba bilseńiz bolǵany... Mundaı sharýany qup kóretin memleket te múmkindigine qaraı septesýge ázir. Salmaq salmaıtyndaı sýbsıdııasyn beredi, janar-jaǵarmaıdy da jeńildetip taratýǵa beıil. Sórelerde yryq bermeı turǵan baǵanyń bir ushy da sol aýylǵa baılaýly. Eldegi aǵaıynnyń esebi túgel bolsa, qaladaǵy qalyń jurttyń da qaltasy ortaıa qoımaıdy. Kásibin dóńgeletip otyrǵandar bizdiń elde jetip artylady. Ulan-ǵaıyr jerdiń ul-qyzdary sol kásipti berik ustanyp, urpaqtan-urpaqqa jalǵap keledi.
Aýyl sharýashylyǵy, tamaq jáne óńdeý ónerkásibi qyzmetkerleri kúni merekesi qarsańynda osy salanyń ozattaryn taǵy bir márte elge tanytýdy jón sanadyq.
