Foto: kff_team
Syrt alańda ótken tartysta Malta ulttyq quramasyn 0:2 esebimen utty. Oıynnyń 52-mınýtynda Aıbar Abdýlla, 72-mınýtta Damır Qasabolat gol soqty. Qazaqstan jastar quramasynyń bul Eýropa chempıonatyna irikteý kezeńindegi alǵashqy jeńisi. Jastardy baýlıtyn aǵa bapker Qaırat Nurdáýletov gol toǵytatyn sáttiń keıbirinde fýtbolshylardyń tym asyǵystyqqa salynǵanyn, pas berýde de jıi qatelikke urynǵanyn aıtty.
«Malta jastar quramasynyń keıingi oıyndaryn qarap, zertteý júrgizdik, quramada ósý bar eken. Shákirtterimizdiń irikteýdegi alǵashqy jeńisine árıne qýanamyz. Biraq áli de tájirıbeniń kemdigi baıqalady. Eýropa elderiniń jastarymen joldastyq match ótkizip, oıynshylardy shyńdaýymyz kerek. Fýtbolshylarymyzdyń tehnıkasy da táp-táýir, fızıkalyq kúshi de myǵym, jetpeıtini tek tájirıbe», dedi aǵa bapker.
