Konsertten soń meıramhanada Saıat Medeýovtiń ónerdegi áriptesteri men jaqyndary dastarhanda bas qosty. Osy saltanatty jıynda ánshige shoý-bıznes ókilderi kóliktiń kiltin syılady.
"Negizi o basta "Keshińdi ótkiz. Biz qol ushyn sozamyz" dep qolqa salǵan Meırambek Besbaev pen Serjan Moldasan dosym bolatyn. Jigitter sózinde turyp, bastan-aıaq uıymdastyrýshylyq jaǵyn jaılastyrdy. Negizi baıaǵyda bir týǵan kúnimizde Meırambek "Bir-birimizge syılyq jasamaı-aq, sánimen syılasyp júreıikshi" degen edi. Biraq, mereıli jas bolǵan soń ba, Meırambektiń bastamasymen dos-jarandarym jıylyp, kólik mingizýdi jón kóripti", - dedi Saıat MedeýovNEGE.KZ saıtyna.
Sonymen qatar ánshi ónerdegi áriptesteriniń bul syıyna sheksiz alǵysyn bildirgen.
"Negizi eshqandaı syı-sııapatsyz sol keshte qol soǵyp otyryp, ádemi ótýine atsalyssa da rıza bolar edim. Sóıtsem, olar osyndaı tosynsyı ázirlepti. Jalpy, keshimniń joǵary deńgeıde ótýine atsalysqan barlyq janǵa alǵys aıtamyn. "Jaıaýdyń shańy shyqpas" degendeı, jalǵyz-jarym ózim júgirsem eshteńe tyndyra almas edim", - dedi Saıat Medeýov.
