boxingkazakhstan
Ulttyq quramanyń beldi boksshylary, álem, Azııa chempımondary, tipti kásipqoı boksta baq synaǵan sańlaqtar da jazǵy Spartakıadanyń dýyna qosylýy, tórt jylda bir keletin dodanyń básin arttyryp otyr. Búgin jartylaı fınalda alty álem chempıony rıngke shyǵady. Jartylaı fınaldyq saıysta álem birinshiliginde altyn medal oljalaǵan Temirtas Júsipov (48 keli), Sáken Bıbosynov, Sanjar Táshkenbaı (51 keli), Sabyrhan Mahmud (57 keli), Bekzat Nurdáýletov jáne Nurbek Oralbaı (80 keli) da aıqasqa túsedi.
Bas qaladaǵy jazǵy Spartakıada ulttyq quramanyń bas bapkeri men jattyqtyrýshylar quramyna aldaǵy ýaqytta ótetin lısenzııalyq týrnırge qaı boksshyny aparatynyn aıqyndaýǵa septigin tıgizeri sózsiz. Parıjdegi jazǵy Olımpıada oıyndarynda boksshylar tek 7 salmaq dárejesinde ǵana synǵa túsedi. Ázirge bizdiń erler quramasynda tek asa aýyr salmaqta Qamshybek Qońqabaev qana Olımpıada joldamasyna ıe. Ol Qytaıda (Hanchjoý) ótken jazǵy Azııa oıyndarynyń fınalyna shyqqany úshin lısenzııaǵa qol jetkizgen bolatyn.
