boxingkazakhstan
Erteń Spartakıadanyń fınaldyq aıqasynda kórermender 51 jáne 80 kelide aıqasty asyǵa kútetini anyq. Sebebi 51 kelide álem chempıony Tokıo jazǵy Olımpıadasynyń qola júldegeri Sáken Bıbosynov 19 jasynda eresekter arasynda álem chempıony atanǵan Sanjar Táshkenbaıǵa qarsy aıqasqa túsedi. О́zge álem chempıondary 48 kelidegi Temirtas Júsipov pen 57 keli salmaqtaǵy Mahmud Sabyrhan da fınalǵa ótti. 80 kelide de eki birdeı álem chempıonynyń joly fınalda túıisti. Bekzat Nurdáýletov pen Nurbek Oralbaı osy salmaqtyń altyn medali úshin tartysady.
Jýyrda Týrızm jáne sport mınıstri boks federasııasynyń basshylyǵy men ulttyq quramalardyń bapkerler quramyn qabyldap jazǵy Azııa oıyndaryndaǵy nátıjeni talqylady. Ulttyq qurama boksshylarynyń fızıkalyq daıyndyǵy kem soǵyp turǵanyn, ekinshi raýndtan soń alqynyp qalatynyn aıtty. Parıjde ótetin jaǵy Olımpıada oıyndarynda altyn medal alý amanaty osy boksshylarǵa artylatyny sózsiz. Myrzaǵalı Aıtjanov endi kelesi jyly Italııada sodan keıin Taıland elinde ótetin lısenzııalyq týrnırge kimderdi qosatynyn erteńgi fınaldyq jekpe-jekten keıin shegendeýi múmkin.
