foto: ashyq derekkózden
Sınoptıkterdiń málimetinshe, taıaýdaǵy úsh táýlikte Qazaqstannyń basym bóligi belsendi sıklonnyń yqpalynda bolady. Jańbyr men qar túrinde jaýyn-shashyn jaýady. Qatty jaýyn-shashyn (jańbyr, qar) 22 qarashada batysta, soltústik-batysta, 22-23 qarashada ońtústikte, ońtústik-shyǵysta bolady dep kútiledi. Respýblıka boıynsha 15-28 m/s jel kúsheıedi, soltústik jartysynda qarly boran, kóktaıǵaq bolady dep kútiledi.
«Kezeńniń aıaǵyna qaraı elimizdiń batysynda aýa temperatýrasynyń 2-12 aıazǵa deıin tómendeýi kútiledi, respýblıkanyń shyǵysynda túnde temperatýranyń 8-13 aıazdan 0-5 jylyǵa deıin kóteriledi, Qazaqstannyń qalǵan aýmaǵynda temperatýralyq fonda aıtarlyqtaı aýytqýlar kútilmeıdi», delingen «Qazgıdromet» RMK taratqan habarlamada.
