Jańa depozıt boıynsha syıaqy mólsherlemesi 5,5% quraıdy. Jyl saıynǵy 20% memlekettik syılyqaqyny eskere otyryp (syılyqaqy 200 AEK-ten aspaıtyn somaǵa esepteledi) jyldyq tıimdi mólsherleme 17,1%-ǵa jetedi.
Jańa depozıt sheńberindegi bul mólsherleme, jınaqtaý kezeńi birneshe ret uzartylsa da, ózgerissiz qalady.
«Tabysty» tarıftik baǵdarlamasy boıynsha jınaqtaý merzimi keminde 3 jyl.
Taǵy bir mańyzdy artyqshylyǵy – Otbasy bank klıentteri, atalǵan depozıtpen jyldyq 8,5% mólsherlememen (JTSM 8,8%-dan bastap) turǵyn úı nesıesin ala alady. Ol 5 jylǵa deıingi merzimge beriledi.
– Biz klıentterimizdiń suranysy boıynsha «Tabysty» tarıftik baǵdarlamasyn iske qosyp jatyrmyz. Bul baǵdarlama maksımaldy tabys kórýge jáne ony kóbeıtýdi kózdegen klıentterimiz úshin arnalǵan. Saýalnama nátıjeleri boıynsha respondentterdiń 63 paıyzy Otbasy bankinde jyldyq 5,5 paıyzdyq mólsherlememen aqsha jınaýǵa daıyn. Olardyń kópshiligi 20-dan 100 myń teńgege deıingi depozıtterdi aı saıyn tolyqtyrýǵa daıynbyz dep jaýap berdi. Respondentterdiń 30%-ǵa jýyǵy Otbasy bankinde depozıt ashýdyń mańyzdy faktory retinde – tómen mólsherlememen zaem alý múmkindigin atap ótti. 8,5% (JTSM 8,8%-dan bastap) nesıe mólsherlemesi turǵyn úı qurylys jınaqtary týraly zań talaptaryna sáıkes qalyptastyryldy. Onda turǵyn úı zaemy boıynsha jınaq pen nesıelendirý arasyndaǵy syıaqy mólsherlemesiniń aıyrmashylyǵy 3 paıyzdan aspaýy kerek delingen. Bul bizdiń klıentter úshin óte qolaıly jaǵdaı dep esepteımin. Búgingi tańda depozıt ashyp, kiristi arttyryp qana qoımaı, ol arqyly turǵyn úı máselesin de sheshýge bolady, – dep atap ótti «Otbasy Bank» AQ Basqarma tóraıymy Lázzat Ibragımova.
«Tabysty» depozıti boıynsha eń tómengi kelisimshart somasy 6 mln teńge.
«Tabysty» – bolashaqta turǵyn úı zaemyna aınalatyn depozıt. Iаǵnı, jetispeıtin 50% somaǵa Otbasy bankiniń klıenti jyldyq 8,5% (JTSM 8,8%-dan bastap) mólsherlemesi boıynsha ıpoteka ala alady. Bul depozıt boıynsha aralyq nemese aldyn ala zaem joq. Sondaı-aq «Tabysty» salymynyń kádimgi depozıtke jáne kerisinshe aýysý múmkin bolmaıdy.
Jańa depozıt arqyly memlekettik baǵdarlamalar men «О́z úıim» baǵdarlamasyna qatysý múmkin bolmaıdy.
«Tabysty» depozıtin bank keńesshileri arqyly ashýǵa bolady.
