Foto: pavlodarnews.kz
Qujatqa sáıkes, Pavlodar qalasy aýmaǵynda, Lenın kentiniń, Pavlodar qalasy mańyndaǵy Jetekshi, Moıyldy, Pavlodar aýyldarynyń jáne Kenjekól aýyldyq okrýginiń aýmaǵynda jergilikti aýqymdaǵy tabıǵı sıpattaǵy tótenshe jaǵdaı jarııalanady.
Qala ákiminiń buıryǵynda: «Jergilikti aýqymdaǵy tabıǵı sıpattaǵy tótenshe jaǵdaıdy joıý basshysy bolyp Pavlodar qalasy ákiminiń jetekshilik etetin orynbasary taǵaıyndalsyn. Osy sheshimniń oryndalýyn baqylaýdy ózime qaldyramyn», delingen.
Pavlodar qalasy ákimdigi atalǵan rejım ótken demalys kúnderi bolǵan daýyldyń saldaryn joıý úshin jarııalanǵanyn málimdedi. Qalanyń kommýnaldyq qyzmetteri apattyń saldaryn joıý jumystaryn jalǵastyryp jatyr. Oblystyq TJD-niń málimdeýinshe, oblystaǵy 33 aýyl jaryqsyz qalyp otyr. Daýyl saldarynan bolǵan shyǵyn mólsheri áli eseptelip jatyr.
Aıta ketsek, buǵan deıin Qaraǵandy oblysynda tótenshe jaǵdaı jarııalanǵany málim.
