Tolaǵaı keshi

Kesh shymyldyǵy Táttimbet atyn­daǵy akademııalyq qazaq halyq aspaptary orkestriniń «Sar­jaı­laýymen» túrilip, kompozıtordyń «Tola­ǵaıymen» túrlendi. Respýb­lı­kalyq jáne halyqaralyq kon­kýrs­tardyń laýreaty Araılym Jú­kenova júrekke jetkize shyrqady. Mádenıet salasynyń úzdigi Erjan Ba­zarbekov «Arqa arýy» ánin áýe­letti. Qazaqstannyń eńbek sińirgen qaıratkeri Jaqsygeldi Kemalov «Asyl jardy», Qazaqstannyń eńbek sińirgen qaıratkeri Dáýrenbek Ár­kenov «Meńdi qyzdy», ánshi Rıshat Shabdenov «Oıyl tolqynyn», Dýlat Ahanov «Túngi syr» men «Danııardyń ánin», Medet Osataev «Balqantaýdy», Qazaqstannyń mádenıet qaıratkeri Merýesh Bashaı «Neni oıladyń?», «Asylym» ánderin sheber jetkizdi. «Jaılaýkól keshterin» «Mereı» kvar­teti, «Temirtaý túnin» «Áýen» trıo­sy sátti oryndady. Án keshi «Edil men Jaıyq» ánimen qorytyndylandy.

Esti ánge qulaq quryshyn qandyr­ǵan soń, kesh ıesi Ilıa Jaqanov pen bir top qurmetti qonaq sahnaǵa kóterildi.

«Qudaı qýat berip, toqsanǵa qaraı bet aldyńyz. Júzge jetińiz. Ánińiz asqaqtaı bersin, aǵa», degen oblys ákiminiń orynbasary Erlan Qusaıyn án akademıginiń ıyǵyna shapan jaýyp, at mingizdi.

Ilıa Jaqanovtyń kóp áni Jańa­arqaǵa arnalyp jazylǵan. Osyny eskergen Jańaarqa elinen de bir top azamat arnaıy kelip, qurmet kórsetti. Aý­dan ákiminiń orynbasary Áset Aman­jol da ıyǵyna shapan kıgizip, eldiń atynan at mingizdi. Kóp jyl ula­ǵatty ustaz bolǵan О́zbek Bımendın de dál osyndaı qurmet rásimin jasady.

«Shyǵarmalarymdy shalqytqan sizderge rahmet! Orkestrdiń bas dı­rıjeri Erlan Baqtygereıge de myń alǵys. Oblys ákimshiligine, mádenıet basshylyǵyna shyn júrekten alǵys aıtamyn», dep rızashylyǵyn jetkizdi kesh ıesi.

Qaraǵandy oblysy