AITV-nyń aldyn alý mańyzdy

Másele mynada, AITV juq­tyr­ǵannan keıin jáne odan keıingi ınkýbasııalyq kezeńde sımptomdar múldem bolmaıdy. Sodan baryp jedel faza paıda bolady. Bul kezeńde JRVI nemese tumaýǵa uqsas belgiler paıda bolady. Biraq munyń barlyǵy kóp uzamaı ótedi. Muny AITV-ınfeksııasy ózin bildirmeıtin ýaqyt kezeńi, «jasyryn kezeń» dep ataıdy. Infeksııa juqtyrǵan sátten bastap AITV-ǵa deıingi kezeńge deıin shamamen 10 jyl ótýi múmkin. Osy aralyqta pasıenttiń ózi de, onyń aınala­syndaǵylar da aýrýdy bilmeıdi. AITV ózin tolyq qýatynda jarııa­laǵan kezde, ony baqylaý óte qıynǵa soǵady. AITV-nyń­ asqynýlaryna qarsy turý, adam­nyń is júzinde buzylǵan ım­^­mýndyq júıesin qoldaý qıynǵa soǵady.

Bizben birge jumysqa, oıyn-saýyq oryndaryna, oqý oryndaryna baratyn qarapaıym adamdarda AITV bolýy múmkin ekenin túsiný óte mańyzdy. Olardyń ómiri jaınap, tipti deni saý balalardy dúnıege ákelýi múmkin. Eń bastysy – jaǵdaıdy durys qabyldaý. Sosyn qajetti emdi qabyldaý qajet. AITV ınfeksııasy anyqtalǵan adam durys kózqaraspen uzaq jáne baqytty ómir súre alady.

Qorǵalmaǵan jynystyq qa­tynas, sterıldikke sáıkes kelmeıtin tatýırovka jáne basqa da kóptegen kúndelikti jaǵ­daılar AITV ınfeksııa­sy­na tikeleı alyp kelýi múm­kin. О́mir súrmeıtin adam ǵana qatelespeıdi. Biz bárin aldyn ala bile almaımyz. Ketken qate­lik­ter­­di túzete almaımyz, biraq olardyń saldaryn túze­­tý úshin qarapaıym qadam­dar jasaı alamyz. Bul úshin jaqyn jerdegi teri-venerologııalyq dıspan­ser­ge, jergilikti klı­nı­ka­ǵa nemese AITV-ny er­te­ dıagnostıkalaý úshin ma­man­dandyrylǵan JITS orta­ly­ǵyna habarlasýǵa bolady.

Aqmaral JAMANOVA,

Astana qalasy ákimdigi AITV-ınfeksııasynyń aldyn alý ortalyǵynyń dárigeri