Marshrýtqa 10 avtobýs qyzmet kórsetedi. Olar Táýelsizdik dańǵylyndaǵy jańa kópir arqyly qatynaıtyn bolady. Osylaısha, elordanyń oń jaǵalaýy men sol jaǵalaýy arasyndaǵy kólik qatynasy jaqsarady.
Sondaı-aq bul «Dástúr» TK men Q.Rysqulbekov kósheleriniń arasyndaǵy kólik baılanysyn qamtamasyz etýge múmkindik beredi, Uly dala, R.Qoshqarbaev dańǵyldarynda, J.Nájimedenov, A.Baıtursynov, Q.Rysqulbekov kóshelerinde ornalasqan turǵyn úı keshenderine kóliktik qyzmet kórsetýdi arttyrady. Qoldanystaǵy myna marshrýttardyń júktemesin azaıtady: № 14, 32, 49, 50, 56.
Aıta ketý kerek, bul Táýelsizdik dańǵylyndaǵy jańa kópir arqyly iske qosylǵan 2-shi baǵyt jáne bıyl iske qosylǵan 7-shi jańa baǵyt.
Osyǵan deıin № 27, 49, 56, 66 jáne qala mańyndaǵy № 328, 329 marshrýttar iske qosylǵan edi.
