Qarjy mınıstrligi ókiliniń aqparaty boıynsha 2024 jyly áleýmettik salanyń shyǵystary 2023 jylǵa qaraǵanda 1,4 trln teńgege ulǵaıyp, 9,9 trln teńgege jetedi dep boljanyp otyr. Bul qarjy áleýmettik tólemderdi ındeksteýge, bala kútiminiń aqyly kezeńin 1,5 jasqa deıin ulǵaıtýǵa, stıpendııalardy arttyrýǵa, azamattyq qyzmetshiler men pedagogterge eńbekaqy tóleýge baǵyttalady.
Sonymen qatar senatorlarǵa ekonomıkanyń naqty sektoryn damytýdy qoldaýǵa 2024 jylǵa 2,9 trln teńge qarastyrylǵany týraly aıtyldy. Olar óńdeý ónerkásibin damytýǵa, óńirlerde jalǵasyp jatqan ınfraqurylymdyq jobalardy iske asyrýǵa, kásipkerlikti damytýǵa jáne qoldaýǵa jáne t.b. salalarǵa baǵyttalmaq.
Senatorlardyń aıtýynsha, qarastyrylyp otyrǵan zańdar respýblıkalyq bıýdjettiń teńgerimdiligin qamtamasyz etýge jáne Ulttyq qordyń turaqtandyrý fýnksııasyn júzege asyrýǵa múmkindik beredi.
