Saıysqa qatysyp jatqan jastar – elimizdiń ár aımaǵynan úzdik shyqqan stýdentter. Vıse-premerge «kirpish qalaý», «shashtaraz», «meıramhana servısi» sekildi baǵyttar boıynsha jarys ótip jatqan alańdar kórsetildi.
«Qazir elimizde «Barshaǵa qoljetimdi sapaly bilim» atty ulttyq baıandama jobasy talqylanyp jatyr. Onda kolledjde beriletin bilim men biliktilikke kóp kóńil bólingen. Sıfrlyq tehnologııalar qansha damyp jatsa da, dánekerleýshi, santehnık, turmystyq tehnıkany jóndeýshiler, kólik mehanıkteri, t.b. kásibı mamandarǵa suranys azaımaq emes. Bul chempıonattyń jastar arasynda osy mamandyqtardy dáripteýde mańyzy zor. Jarysta sizderge sáttilik tileımin!», dedi T.Dúısenova.
Oqý-aǵartý mınıstrligi uıymdastyryp jatqan jarys «EKSPO» halyqaralyq kórme ortalyǵynda ótip jatyr. Chempıonatta avtokólik jóndeý, santehnık, jylý jelileri, elektronıka, mobıldi robottehnıka syndy 30 túrli biliktilik boıynsha úzdikter anyqtalady.
Jarys qorytyndysy boıynsha oza shapqan stýdentter keler jyly Fransııada ótetin álemdik saıysta el namysyn qorǵamaq.
