Kún tártibi bekitildi

Aldaǵy Senat otyrysynda depýtattar «Qazaqstan Respýblı­kasynyń keıbir zańnamalyq aktilerine aqparattyq qaýipsizdik, aqparattandyrý jáne sıfrlyq aktıvter máseleleri boıynsha ózgerister men tolyqtyrýlar engizý týraly» zańdy ekinshi oqylymda qaraıdy.

Aıta keteıik, qujat normalaryna sáıkes Ákimshilik quqyq buzýshylyq týraly, Kásipkerlik, Eńbek, Halyq densaýlyǵy jáne densaýlyq saqtaý júıesi týraly kodeksterge, sondaı-aq Qazaq­stan Respýblıkasynyń on zańy­na ózgerister men tolyq­tyrý­lar engizý kózdelip otyr.

Sonymen qatar senatorlar salyq salasyn jetildirýge arnal­ǵan «Salyq jáne bıýdjetke tólenetin basqa da min­detti tó­lemder týraly» Qazaq­­stan Res­pýb­lıkasynyń ko­deksi­ne (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń kodeksin (Salyq kodeksi) qol­danysqa engizý týraly» Qazaq­stan Respýb­lıkasynyń zańyna ózgeris­ter men tolyqtyrý­lar engizý tý­raly» jáne «Qazaqstan Respýb­lı­kasynyń keıbir zańnamalyq akti­lerine salyq salý másele­leri boıynsha ózgerister men tolyq­tyrýlar engizý týraly» zań­dardy qaraıdy. Atap aıtqanda, mıkroqarjy uıymdary úshin provızııalardyń mólsherin azaıtý kezinde salyq jeńildikterin en­gizý, talap qoıý kezinde memle­ket­tik bajdardy tóleý jáne bas­qa da birqatar mańyzdy ózge­ris bo­ıynsha tıisti túzetýler engiziledi.

Sondaı-aq Bıýro otyrysynda Parlament Májilisinen kelip túsken zańdar jumys úshin Senattyń turaqty komıtetterine bólinip berildi.