Dúısenbide Podolskiniń «Vıtıaz» klýbyn qabyldady. Báseke bastalǵan bette Kırıll Savıskıı ádemi gol soǵyp, aıdyn ıelerin alǵa shyǵarǵanda kádimgideı shattanyp, alaqanymyzdy ysqylap otyrǵan edik. Biraq bul qýanyshymyz kóp uzamaı sý sepkendeı basyldy. Odan keıin oıyn qonaqtardyń aıqyn basymdyǵymen ótti. «Vıtıazdiń» oıynshylary «Barystyń» qaqpasyn bes ret dál kózdedi. Bul goldardyń avtorlary – Ivan Savchık (4-mınýt), Derek Barak (11-mınýt), Aleksandr Darın (27-mınýt), Skott Ýılson (47-mınýt) jáne Aleksandr Iаremchýk (48-mınýt). Tek kezdesý aıaqtalar tusta Arkadıı Shestakov esep aıyrmashylyǵyn qysqartty – 2:5.
Sóıtip, Qurlyqtyq hokkeı lıgasynda (QHL) kúlli Qazaqstannyń namysyn qorǵap júrgen jalǵyz klýbymyzdyń jaǵdaıy kún ótken saıyn nasharlap barady. Qazirgi kezde jerlesterimiz artynan sanaǵanda ekinshi orynda keledi.
