Kezdesýge qatysýshylar Sharttyń rýhy men qaǵıdattaryna sáıkes ekijaqty yntymaqtastyq máselelerin talqylady. Senator Andreı Lýkın bizdiń memleketter basshylary ekijaqty yntymaqtastyq pen halyqaralyq kún tártibindegi ózekti máseleler boıynsha turaqty dıalog júrgizip otyrǵanyn atap ótti. Búgingi tańda Qazaqstan men Reseı qatynastary barlyq salada joǵary damý qarqynyn pash etip keledi.
«Eki memlekettiń basshylary belgilegen tyǵyz yntymaqtastyqtyń joǵary deńgeıi zań shyǵarmashylyǵy jáne zań shyǵarý ınstıtýttary salasyna da yqpal etedi. Qoǵamdyq-saıası úderisterdegi Parlamentterdiń mańyzy zor ekenin eskere otyryp, qazaqstandyq tarap egemendikti ózara qurmetteý qaǵıdattary men týyndaıtyn máselelerdiń ortaq sheshimderin izdestirýde Reseımen tepe-teń dıalog ornatýǵa erekshe nazar aýdarady. Qazaqstan baýyrlas memleketterdiń, onyń ishinde Parlamentter palatalarynyń ókilderi arasyndaǵy tıimdi parlamentaralyq ózara is-qımyldy daǵdyly túrde jaqtap keledi», dedi Andreı Lýkın.
Senator sonymen qatar Qazaqstanda júrgizilip jatqan reformalar týraly kezdesýge qatysýshylarǵa aıtyp berdi jáne Reseı Federasııasy tarapynan qoldaý jáne HHI ǵasyrdaǵy tatý kórshilik pen odaqtastyq týraly sharttyń mańyzdylyǵyn atap ótti.
«Shart eki memleket azamattarynyń ál-aýqaty men ómir súrý sapasyn, Qazaqstan men Reseıdiń ornyqty áleýmettik-ekonomıkalyq damýyn arttyrý jónindegi mindetterdi tıimdi sheshýge yqpal etti. Sonymen qatar bul halyqaralyq-quqyqtyq qujat yntymaqtastyqtyń dástúrli ǵana emes, jańa, joǵary tehnologııalyq jáne ǵylymı aýqymdy salalardy damytýǵa arnalǵan bazany qamtamasyz etti. Shart halyqtyń densaýlyǵyn jaqsartýǵa, qorshaǵan ortany qorǵaý salasyndaǵy yntymaqtastyqqa, ekologııalyq baǵdarlamalardy iske asyrýǵa baǵyttalǵan birlesken is-qımyldardy edáýir keńeıtýge múmkindik beredi», dep atap ótti senator A.Lýkın.
