Foto: Senat
Elektr energııasyn biryńǵaı satyp alýshy «Jańartylatyn energııa kózderin qoldaý jónindegi esep aıyrysý-qarjy ortalyǵy» JShS bolyp belgilengenin aıta ketken jón. Ol «Elektr energııasy men qýaty naryǵynyń qazaqstandyq operatory» AQ elektrondy alańynda kún saıyn ortalyqtandyrylǵan saýda-sattyq júrgizý arqyly josparly túrde otandyq elektr stansııalarynan bir táýlik buryn elektr energııasyn satyp alady.
«Búgingi sharanyń negizgi maqsaty − ákimshilik reforma máseleleri boıynsha qabyldanǵan zań aıasynda 2023 jylǵy 1 shildeden bastap qoldanystaǵy elektr energııasyn ortalyqtandyrylǵan satyp alý men satýdyń jańa úlgisiniń jumys isteýiniń ózekti máselelerin talqylaý», dep atap ótti Súıindik Aldashev.
Qatysýshylar otyrys barysynda naryqtyń jańa úlgisi aıasynda elimizdiń elektr energetıka júıesiniń jumysy jónindegi máselelerdi qarady, sondaı-aq Biryńǵaı satyp alýshynyń úlgisin odan ári jetildirýge qajetti mindetterdi talqylady.
Jıynda energetıka mınıstrliginiń, «KEGOC» AQ jáne «Jańartylatyn energııa kózderin qoldaý jónindegi esep aıyrysý-qarjy ortalyǵy» JShS ókilderi sóz sóıledi.
Senat depýtattary sonymen qatar elektr energııasynyń ortalyqtandyrylǵan saýda-sattyǵyn onlaın-rejımde ótkizý barysymen, sondaı-aq Júıelik operatordyń ulttyq dıspetcherlik ortalyǵynyń qyzmetimen tanysty.
