Foto: Ortcom.kz
Mınıstrdiń aıtýynsha, sońǵy kezde respýblıka boıynsha qyzylshamen aýyrǵandar sany artyp keledi. Qazir epıdemııalyq jaǵdaı turaqsyz.
«Elimizde qyzylshanyń 17 myńnan astam jaǵdaıy tirkelgen, onyń 82%-dan astamy balalarǵa tıesili. Balalardyń 83%-y ekpe almaǵan. Bul rette, balalardyń 60%-y ekpeden bas tartqan. Qalǵan balalar egý jasyna jetpeýine baılanysty jáne medısınalyq kórsetilimder boıynsha vaksına almaǵan. Qyzylsha aýrýy barlyq óńirde tirkeldi. Sonyń ishinde Shymkent, Almaty qalalarynda, Jambyl, Almaty, Mańǵystaý, Aqtóbe, Qyzylorda jáne Atyraý oblystarynda órship tur», dedi mınıstr.
