Ulytaý oblysynyń ortalyǵy Jezqazǵan qalasynda turatyn bir top jas aqyn ózara bas qosyp, oblystyq ádebı klýb uıymdastyrdy. Klýbqa «Ular» ataýy berildi.
Quramyna Janat Ábdiǵojın, Medet Qarahmetov, Abaı Oraz, Muqaǵalı Seıtqazy, Qanat Mýsın, Mádı Oljabaı jáne Jolaman Maǵzum tárizdi jas talanttar toptasqan ádebı klýb «Jaılaýy jas qalamnyń – albyrt sezim» taqyrybymen oblys aýdan, qalalaryn aralap, poezııa keshterin ótkize bastady.
«Biz qazirdiń ózinde Jańaarqa aýdanynyń ortalyǵy Atasý kentinde, Qarajal qalasynda, Ulytaý aýdanynda jyrsúıer qaýymmen júzdestik. Maqsat – kópshiliktiń óleńge, jalpy ádebıetke degen qyzyǵýshylyǵyn oıatý. Sonymen birge el arasynda júrgen talantty jastardy izdestirý. Aldaǵy ýaqytta oblys ortalyǵynda úlken poezııa keshin uıymdastyrý oıymyzda bar. Bul keshke aýyldardaǵy, aýdan, qalalardaǵy qatarymyzǵa qosylǵan jastar da qatysatyn bolady», deıdi klýb tóraǵasy Abaı Oraz.
Ulytaý oblysy
