Uldar arasyndaǵy saıysta 13 boksshyǵa senim artylǵan edi. О́kinishke qaraı, olardyń deni alǵashqy aınalymnan asa almady. Atap aıtsaq, Baýyrjan Muratov (57 kg) Pahlavonjon Ibrohımovtan, Bekarys Nurmuhan (66 kg) Aqbar Ahmadovtan, Aldııar Bahadýr (50 kg) Hýssan Kohorovtan utyldy. Olardyń barlyǵy da – О́zbekstannan. Beksultan Qaıratuly (+80 kg) men Kenesary Ámir Marjyqbaev (63 kg) reseılik Iаn Bogdanov pen Zahar Bespalovqa jol berdi. Aıdos Úsenov (46 kg) tájikstandyq Jahangır Kamolovtyń, Jasulan Berdaly (70 kg) polshalyq Pavel Ýrbanskıdiń, Ramazan Orynbasar (52 kg) majarstandyq Peter Benedektiń, Baqytjan Aıtmuhanov (80 kg) taıpeı Gýan Haýo Panniń osal tusyn taba almady. Sóıtip, toǵyz birdeı órenimiz jarty jolǵa jetpeı súrindi. Shırek fınalǵa Nyǵmet Nuǵyman (48 kg), Tólebek Nurasyl (54 kg), Álıhan Ásker (60 kg), Igor Solovev (75 kg) qana shyqty.
Al qyzdardyń aıaq alysy jaman emes. Bastapqy básekelerde tek Aıym Tańqybaeva (46 kg) men Aıajan Ermek (57 kg) jeńilis tapty. Qalǵan qyzarymyz áli de qatarda.
